《女兒的女兒》- 六十歲的孩子夢

 

你以為黃熙像艾慕杜華，《女兒的女兒》(Daughter's Daughter) 內裡女人一係做緊，一係想當母親，似乎係讚頌母愛，唯相對艾肯定正面，黃卻係在暗嘲。

 

張艾嘉說這是所有女人的故事，重點還是「女兒」：有言父母眼中兒女都係長唔大的孩子，正好張在戲裡的母親還健在，並嚷望她來照顧怎料她卻跌斷腳。張在十六歲那年遺棄林嘉欣，此事又瞞著另個女兒劉奕兒三十年，劉突逝去時張又怕接回她遺下的胚胎 - 張成個人生也似吊兒郎當不敢負責，只因為她自信自己還只是個孩子，依然停在十六歲，也就是和女兒躲在廚房煲煙沒有芥蒂。 

 

電影講到唯女人才可當自己孩子，似謂男人才要頂天立地，就是趙文瑄當年如何幼稚，今天卻理應成熟，你覺不公平卻在此講到理所當然；戲帶坂元裕二般的浪漫主義：張趙林間像朋友談笑風生，就係到後部餐廳同台你才搞得清他們關係，你仍不敢想像氣氛竟會這樣寬容。雖然林會對張起了個怨恨神色，說她傷透佢的心，又一直唔稱趙作父親 – 她始終沒有原諒兩人，只係唔想如張般成個細路只會計較。 

 

艾或講母愛係女人的本份，黃卻話女人當母親多是迫來的，張開頭都只想銷毀胚胎，最後她令孩子誕生並自己帶，你仍會猜她還真心甘情願？女人就如發公主夢想當永遠的孩子，有人說這是難睇，因為就如霸道總裁愛上我般不切實際。

 

其實寫這套係因聽到這戲和《破．地獄》《爸爸》《從今以後》合為華人傳統PTSD四部曲，於是寫來趁熱鬧，但諗落認真就應用《年少日記》來頂替。《女兒的女兒》主要場景都在美國 ：這是一個由得你墮胎的國家，就是給機會張覺得母親難做就唔好做，結果就係給女人想當小孩拒當母親。當然你又可講係對華人講賢妻良母的逆襲，但林嘉欣拿起酒對張艾嘉講妳傷了我心時，語氣又似嘲話：「Come on......可否成熟一點呢？」這又係一場女兒對個不生性的母親之襲。