《手機見鬼》- 你咁多快好省唔會令到我驚架

 

早些年彭發拍了套《關人七事》，當時小弟仲窒呢套只在賣弄剪接的拍來做乜鳩。多年以後小弟才覺得自己太苛刻，原來如此劇本今日睇翻才知他當年起碼還叫得上認真有心。 

 

彭發似唔知食錯咩藥亂發脾四地爆：「咩叫唔認真？等我話你知這就是唔認真！」《手機見鬼》（Haunting Call）唔係戲名有《見鬼》兩字，會叫人醒唔起這係拍鬼起家的彭氏兄弟：拍鬼係要逐漸凝聚氣氛，而唔係叫鬼一開頭就有理無理彈哂出來，重要係如Cut J等你都係拿拿聲避重就輕，簡直就似入大陸的三流鬼屋，別怪觀眾調返轉李X民上身爆返你：「你咁樣唔會令到我驚架！」

 

故事算講兩樣：網紅生態同校園欺凌，但都擺明居馬求撚奇奇 - 無論你喜不喜歡林明禎，你都覺得她只在無病呻吟叫春，仲要叫陳苡臻譚淇淇廿幾三十夾硬著返校服，為何欺凌點解咁搵食毫無著墨，你當係彭想話反思為何這樣那樣，事實態度卻似硬說年輕人就是這樣任意無需解釋，肆意數算仲厲害過《關人》。 

 

彭氏兄弟北上已久，拍法也盡顯我国精神 - 「多快好省」：女四件夠「多」，得八十四分鐘夠「快」，「好」就旨在我定義，「省」在用手機拍且場景來來去去同一簡樸房走廊。當年我国以此精神鍊鋼，結果鍊出甚麼眾所鳩知。今日彭發咁拍電影，唔使手機裡先見到鬼，在銀幕外的我也覺夠「見鬼」。

 

大概有人拍畢才心知不妙，故此首映甩底撇得就撇。亦可能係場大龍鳳以博些目光，就算你嫌這場戲無聊也好，因為都及不上成套戲無聊。或者花錢入場看《手機見鬼》唯一意義：係望到那主角的上身，才明白為何大家都叫她做大話__。