《誤判》- 叫嚷法律不能帶來公義還不如暴力打贏算正義會否係鬼？

 

我早就講過我只會沒興趣而唔會罷睇這個那個的電影，既然要評，那就老老實實付個票錢入場看完才評，頂多搵間最平的戲院而已。 

  

但《誤判》(The Prosecutor) 很難唔叫人先入為主：除非甄子丹還真踏踏實實文戲到尾，事實係他豈會按耐得住，係預告也講明他會大打出手，果然戲內動作交加對法律專業戲，唔叫七對三也是六比四：法治意義係排除人類以野蠻武鬥去解決紛爭，故此叫個檢控官或大律師去一個打十個，本身已夠鬧劇。 

 

「拳頭係一切」係由開始就講：甄當警察追捕賊人卻竟給賊在法庭內甩身；轉到律政司看到鄭則仕似庸庸碌碌、吳鎮宇官僚主義：叫係懶斯文就如此被綁手綁腳，谷著氣總想拿冧開拖打個痛快快過。於是開庭時，許冠文的法官沒專登去搞笑，但大家都失笑，因甄自以為是的模樣，台下觀眾竟會想連同許窒返佢：「做乜撚嘢呀？」 。

 

但有點值得留意，許向甄解只有一九九七前投身法律界的才可稱他為「大老爺」：之前如王晶嚷甚麼社會腐敗，時空都設在港英，唯甄講明這在九七後，亦即可以在這美麗新香港：以前講過一成功的演員就係可由頭呃到尾 ，那甄之前引人叫嚷罷睇他的言論，或者只係表演忠字舞，上到銀幕才是心底話 - 既然法律不能帶來真正的公義，還不如暴力打贏算正義，正如今日看到會叫人打爆屏幕的局面。

 

 但最後甄還是拼命把污點證人林家熙及時帶到法庭，讓其作供成功翻案 - 就如《一級指控》即使過程如何旁門左道，最後還是正規作結而唔係烏鴉式反枱，甄子丹還是勸嚷尊重「所謂」制度，我想多了。