有人早睇《智齒》（LIMBO）就評係鄭保瑞最成熟之作，我看畢就心諗你的成熟和我以為的似有很大討論空間。
廢話講這套係劇情片，但講故事也有很多手法：例如《濁水漂流》係參照現實而引伸故事，《智齒》的場景更爛更污糟，卻明顯係刻意誇大，唔需和現實吻合，只因劇本係憑空擬好，垃圾場就係用來配合去講，卻不是由它去講故事。
所以你會奇怪，戲裡警察著的唔係香港警察制服，且你會醒起成套戲似沒提個任何地名 (除非你眼力好望到長途巴士車牌寫的香港至三水)，但從高架地鐵橋你實看得出場景在觀塘裕民坊 - 鄭唔否認卻又唔開口認這裡是香港。相對《 意外》 仍要靠一電車電纜：雙層電車係香港獨有標誌，但地鐵係遍及世界。鄭似想說寓言係沒地域限制，會巧合在香港，也會巧合在其他地方。
但講寓言要決係簡單去一矢中的而令觀眾得著，正如 《意外》 就只講咩係意料之外。《智齒 》卻係睇到鄭想講的至少三大點，周地垃圾的場景已係一點，作孽想向斬哥 ( 林家棟) 贖罪的王桃 ( 劉雅瑟) 又一點，生智慧齒 常隱隱痛的任凱 (李淳) 更原該係主旨。但三點卻似三足鼎立，兼且還未計埋池內博之到其他小節。話鄭成熟，其實似係佢心雄，想比《意外 》講更多，卻係搞唔到條夠堅實的金線，就令金珠散滿地。當然你也可覺得這比之前學曉更廣，但你若會深究就會猜疑其實鄭始終想教曉我們甚麼。
且若繼續論成熟，你又嫌明明搞上三級係成人童話，但鄭卻似要堅持良善：不嫌其煩補句要好好生活落去，亦如開場的倒敘，都似係多餘的畫公仔畫出腸。
總覺得鄭真正想講的主旨不在《 智齒》，不是贖罪，而在那張被禁出街的海報，亦係他唔講清楚場景在那之因，因語氣似來於《破壞之王》：「唔好誤會我唔係針對你，我只係話在座各位都係垃圾。」混在垃圾的各位確沒誰比誰更高尚，但卻唔覺你有一野掃低身旁之能力，咁你就只係了無意義的懶憤世嫉俗。或許只係要型好型，因為你若真能一語橫掃天下，也會被国安大法壓在五指山下。
沒有留言:
張貼留言