《假冒女團》- 胡鬧完先諗認真重衰過交友app度搵認真

 

要肯定徐梓耀拍的《假冒女團》(Showbiz Spy) 係夠老實，略睇海報內容簡介同那條不知所云的預告片後，一係你根本沒興致去睇，會買票的你都清楚就只為睇那個被叫粉紅教主俗稱Anson lo名盧瀚霆，的確成套佢真係由頭帶到落尾，且沒離開個畫面五分鐘以上，要睇你都睇到飽哂，咁你仲有咩唔滿意？ 

 

正如小弟對呢件姓盧沒興趣，睇這套又唔似如睇 《#PTGF出租女友》– 起碼都期望睇下肉點知肉都沒給你睇才有理由破口大罵。就係沒期望地睇完去罵會給人笑你犯賤，故看戲時竟苦惱出場後寫甚麼好。看到轉時，就係盧看到陳紫萱明知被騙都想認真做落去，於是就嚷：「認真做才有意義。」如獲至寶般終找到可寫下去的點。 

 

小弟這陣子玩開某個討論區形式的交友app，常恥笑一個題目「搵認真」：就係掩飾你實想找帥哥二世祖，若有毒撚真對你認真起來你反會葉公好龍。《假冒女團》 卻係一開頭就想定胡鬧，就覺得只賣姓盧就得，竟然播了三分二後突然去想係咪應該認真返一次。若你係開展關係，認識一排才去決定認唔認真落去係正路。但你係拍電影，你覺得應認真的話咁點解唔一開始就決定？就係訓練過程艱辛多點，盧和蘇浩兒排舞時叫他唔好尷尬真摸上身由頭掃胸再落大脾，咁佢蘇扯巴落盧度咪顯得有力D。依家先來認真？真係太遲了。 

 

就算擺明爛片，但如Tommy Wiseau孫健君羅守耀等都係一開始認真地拍，只係他們的認真與觀眾所想很有討論空間。這套原本都可笑在明明賣弄偶像卻又教悔人唔好發明星夢，豈料更可笑係你拍到大部分才想拍電影應都要認真，驀然回首你卻扭轉不了唔認真的開頭。原以為俾錢去睇預定係爛的戲已夠犯賤，怎料會有更犯賤的事就係無恥開的你突然良心發現無本事無恥到結尾。 其實認真還真要岩時侯，玩App如是，拍戲也是。