鄭中基的自編自導自演作，雖拍住胡耀輝卻明顯幫不了多少：搞出的係羅守耀咁款嘅嘢 - 內容甩甩漏漏，對白會叫觀眾擺出某茂李的嘴臉：「你講乜撚嘢？X你XX！」
只係這世道人心靈脆弱得很，若恥笑得太多，莫講話鄭粉絲，甚至《阿龍》 （Atonement） 都可能變暴龍哥衝上來踏我場，那該唔止叫嚷罷睇我這小本經營網誌咁簡單。但若如不要只講一邊肺壞死要讚埋另一邊還健康，大概就只拍到周秀娜的秀色可餐。
咁你話要建設性批評，就要問鄭甩漏左D乜？這唔只係市面看似手冇博雞之力的他，入到監倉就能一個打十個，爭如埼玉起碼會講三年內每日俯臥撐一百次仰臥起坐一百次下蹲一百次十公里長跑才能一拳超人。重點係阿龍係怎樣的人：本身就係想做一個好人，卻經歷無重挫折，滿複怨恨就「變壞」報仇，完仇感一片空虛才學懂放下，這就如《鬼滅之刃》裡的猗窩座。
就算《阿龍》只九十多分鐘，都長時得過《無限城》猗窩座部分，但前者卻唔見得比後者叫觀眾認同。一大原因係鄭太照顧觀眾也太照顧自己，唔叫遭遇徹底的慘也唔叫自己徹底的壞，因此阿龍女兒被夾走到其出賣娜姐換線索，觀眾只係睇到心諗做乜鳩。只此到最後阿龍完仇你也沒快感或感概，佢由頭到尾都只是個「好人」，重要究竟係咪懶好人嗰隻都叫人無從判斷，因為已係甩皮甩骨到算唔算個人都無可形容。
你係鄭中基粉絲或幫他如此辯：《阿龍》係二零一八年拍畢之戲，那是未出演《年少日記》之時：在這之前鄭扮的多是嘻嘻哈哈的正派，未當過真正的壞人，亦未領略真正的絕境。所以今日再拍《阿龍》，很大機會完整一點。只係這《阿龍》又係咪繼續扮約伯，問這是甚麼天理？要記著現代約伯也給《不赦之罪》拍過，那為何又要你來演？
沒有留言:
張貼留言