又見姜皓文搭廖子妤，關文軒的《惡人當道》(The Remnant)，姜唔再傻更更回復粗獷再口黑面黑，廖做市井單親援交媽似比袁澧林更似樣，你若以為這套點都認真得過《曾經擁有》，還真注意會有較大期望落差。
故事主幹本來唔新鮮：舊樓居民抵抗發展商逼遷，姜的過氣大佬像《七俠四義》出手助居民抵抗 - 想基於現實去浪漫俠義，問題係兩者矛盾致兩邊都講唔好 - 傳統俠義就係非黑即白或雞蛋與高牆，但回到現實都知世事唔係全就此二元對立，要融合兩者就只有給多時間去詳講。唯片長只九十二分鐘，只係雞蛋高牆那莫怪觀眾質疑 - 講真搬離舊樓是否無處容身，就算等待兒子回家的葉童，除她以後就只一副副窮老樣，這個世道雞蛋也可假，結果正邪對決卻帶動不到熱情；即使偏向現實，你仍會覺得似做戲，於是終有一樣穿崩：姜廖和蘇家樂等有舖諗住食好少少入間餐廳食飯，唯那間你細心看其內裡你卻睇得出為堪稱香港最掠水之漢堡包餐廳。
唯電影最大問題係沒講清楚主旨，你話唔係早打在標題？戲裡「惡人」還有尹揚明張松枝，唯他倆已係中後彈出沒怎落墨。即使你說盡擺哂落姜，唯《惡人當道》似想誰靠惡才能在這欺善怕惡社會行走，開頭姜面對西客強忍怒火，有所過去才令他修心養成，但甚麼過去能令他戾氣全收？這只靠一幕被捕加零碎妻子回憶搭夠，根本講唔清楚放下屠刀主因。點解講唔清，只因這些「惡人」都係得個講字。
連帶很多人物都係唔知想點撚樣：蘇家樂一時成熟成精，卻又一時巨嬰上身；或覺最難搞係凌文龍，把世代之爭扯上作拼命收樓理由，唯比「惡人」更得個講，最後一輪嘴連珠暴走爆發。其實凌見自己被叫Happy時，有否向關文軒質疑過這角色意欲何為？
《惡人當道》就係內涵唔比《曾經擁有》更見得多，見《講。鏟。片》Ryan仍幫這套說好話話係資源緊絀要睇餸食飯，有趣係這套掛著劉鑾雄慈善基金支持，我想某人看見自己揼本的拍得如此模樣，耳邊會否響起「係戇居」「我真係恭喜你呀 」等句？
沒有留言:
張貼留言