梁國輝的《觸電》(Good game) 講電競，自二零二二杭州亞運把電子競技列入項目，電競也被視為運動，這套亦實是一套運動電影。
運動電影的目標清晰簡單：想贏 - 就如任何競技類運動，不管係別人還是自己，你都係以超過並最終取得冠軍為目的。而且為令劇情緊湊，就算主角係神，隔離或都看似豬隊友，令贏看似不可能。但你頭腦若挑剔一點，你始於都會問：贏來做咩？
這套也是答得直接：贏錢，係膚淺但無可辯駁的直接。縱使看得出梁還是想講多一些：林敏聰自覺一事無成想要成就，柯煒林囂張氣盛也就不服已到老邁近被淘汰，陳穎欣飽食終日空虛想人生有目標，羅莽想回往日光輝等。但你發覺每個尤其男女私情都係點到即止，好聽就係唔係拖泥帶水，挑剔就係唔細緻敘述。
你話這唔係《激戰》般只講一兩個人，也沒有《KANO》那麼多時間去講每樣人事。但關鍵係電競本質係講「快」字：一秒內出唔出到大絕足影響賽果，大家忙著操練的是鬥快轉綠時按下，遊戲內的動作畫面才是重中之重，就係打完大家才有空間在外檢討，雖則話梁已算平衡到唔會彼此失據。
最尾Happy Hour四人幫落敗，但大家也接受到，唔係只「失敗也未嘗不可」，而係「真人版」的電競畫面，想到就係《今際之國的有栖》，但你卻唔駛真投入在遊戲之內，所以你能回到現實，從而看到要面對問題還真無咁殘酷。
所以最後係TVB咁打邊爐，你寸就係逃避問題，但《激戰》也都是只諗贏一場就把問題拋諸腦後，都係那麼天真不用分那麼細。
沒有留言:
張貼留言