你問我需唔需要看過十集日劇先來看這套？其實有否看過日劇真會影響你對結局觀感，就係未看過你才會對結局驚奇。但只要你係香港人，你仍會對戲裡香港感到可笑。
古澤良太或田中亮未免太有自信，唔搵個香港導演合作都搵個香港人指導一下，現在他們呈現的係他們以為的香港 - 大過你我屋企的所謂劏房、口音差到可笑的廣東話、由機場跳到去鯉魚門、馬鞍山的直昇機場等：都係懶做功課貽笑大方，只係後部一幕三方舉槍對峙，當你向杜琪峯致敬，叫有返一點港味。
講到最水土不服，係去到另一個地方，都唔轉下呃的手法。《信用欺詐師》的呃法貌似中式：「人有多大膽，地有多大產。」只係日本仔「老實」，真會大把大把錢放下去呃人，達子一伙人就是會玩到呃到人卻要倒貼。香港係中國的一部份，呃人都係承接中國人 - 一味吹水本小利大 ，甚麼倫敦金女、動物傳心，都係講要近無成本玩野。點解可以？因為香港人有時就蠢得可以，睇過《向西聞記》就知。總之就係唔理解香港去拍香港，就係會遭香港人訕笑。
唔講你對香港懶做功課，就係堂堂身家數十億黑幫大佬江口洋介，竟要依賴睇電視搵資料？在這靠高登連登就搜到的時代，堂堂一個身家五十億的「女帝」，如此出名你都找不著她一張相片？古澤良太似乎太過脫節，他竟唔知這世代上個互聯網就甚麼都搜到，那就唯有說個身家雄厚的竟都會太硬膠。
電影原本就係十集《信用詐欺師JP》的總結，人馬全都再出場，弱點卻也一次過敗露：唔做功課夾硬話其他人更蠢，你沒成本效益去騙也不讓人覺得你很精明。還有你既然叫《香港浪漫篇》 (THE CONFIDENCE MAN JP - The Movie-)，香港談戀愛的你欺我詐你又懂嗎，其實你是否好歹都該去請教一下葉念琛？
沒有留言:
張貼留言