池田千尋的真人化《九龍大眾浪漫》(KOWLOON GENERIC ROMANCE)，有人話簡直一場悶局，也難怪：看過熱血追逐的《九龍城寨之圍城》，突然轉睇一對男女不止終點在那的原地拉拉扯扯實好不耐煩。你話可比吉岡里帆戴定唔戴眼鏡邊樣好睇作樂，但這豈不淪為她寫真集更顯得無聊？何況幾多女觀眾受落水上恒司，我這男的唔清楚。
其實場景還真有趣，相對《信用詐欺師JP ：香港浪漫篇》唔識扮識咁貽笑大方，《九龍》卻係開張明義我就係唔識：即使你沒留意幕後花絮新聞，最後字幕都提你我採拍地係在台北新北；除了一兩幕城寨外圍與樓上飛過飛機，這「城寨」內不陰深，偶有水氹卻不顯得粗糙雜亂，更無白粉牙醫魚蛋叉燒飯，卻會地震有LCD mon電腦，莫講話香港觀眾，就係以前睇過《燕尾碟》的日本仔，都看得出這不是「真」城寨。
即使你對「真」九龍城寨一無所知，電影中部已按耐不住話清楚你聽這根本就唔係「真」，所以叫「第二九龍城寨」。話片長只限兩小時不到，故無法詳解造假緣由，叫你睇返漫畫或動畫版腦補。但零零碎碎仍可歸納一條問題：造假意義何在？
水恒說留在「城寨」只因這裡充滿懷舊的氣味，懷舊和愛情係同一種浪漫，問題係其所懷之舊：陰濕氣味卻來於井井有條街市、簡樸但骨子企理咖啡店或帶陽光陽台居所，這些都唔存在於「真」城寨內。電影弄真或因「真」城寨裡 - 陰暗屈膝污穢充斥之環境，根本沒值得懷念之處，你硬說懷念「真」係浪漫才簡直大話。
水恒自困「城寨」不出，更大程度似在逃避現實，如常講獅子山下去追憶一窮二白。但這套既沒有獅子山，追憶的都係「假」，那就似係自摑 – 你若無了期沉淪所謂過去，還不如面對現實，反而你勇於踏出，看回現實就知沒有那麼難堪，也是同樣的西檸雞、或是吉岡里帆，發現執著過往其實沒意義可言。
或者咁講，《九龍大眾浪漫》本來就係一道假議題，早講過九龍城寨和浪漫扯不上邊，於是你就弄虛作假，反而道破現實，也就是反浪漫。都係嗰句：你沒有身份那才要屈身城寨，可以唔駛屈身你豈會不遠走高飛。你能立足現實，就唔會沉醉所謂浪漫，那管獅子山下，還是唔係真實的吉岡里帆。
沒有留言:
張貼留言