《一個部門的誕生》- 走出cut台事件

 

這篇標題對應剛上一套所評的戲：某國旅遊巴挾持人質事件與cut台其實也很多一致：一都係講追求公義唯用錯手段，劫車警員派薩是，迫到搶槍劫持人質的康永德（戴玉麒飾）亦然。二都係一連串荒謬操作最終悲劇收場，只係旅遊巴大致跟返現實，搶槍cut店明顯誇張十倍。

唯麥天樞的《一個部門的誕生》，最對標的是爾冬陞改編《Dog Day Afternoon》的《人民英雄》，剛好這套英文名正係Dog Day Evening：兩套角色除職員又係有老人、有母女/子、竟都係一巴籍保安，被劫持者最後都斯德哥爾摩症上身。德比Ringo （白只）及後更加似主角，也比狄龍更人民英雄，畢竟後者預係要錢，前者係要道理。

小弟不時都提這電影的原型：一男cut台不遂憤而拿刀衝上電視台大樓，結果翌日該有線電視公司立即提供快捷的cut台服務：現實係秦律苛政都係欺侮老實人，老實人變陳勝吳廣往往把問題擊破。你問這套算唔算革命片？若《革命+1》 也算這套怎不算，世事往往就係成功者革命，何況這在現實也成功衝破了制度。

只係這套最後沒提提供快捷cut台，反係開心電視聲名狼藉自cut收皮，Ringo等乾脆被裁 – 像被當笑料一單，其實沒啥改變過。正如數年前這月大家都上街爭取過，表面係爭取到一個，卻換來更糟。其實升斗市民本冇大志做陳勝吳廣，就係只想cut台，聰明的會就快脆讓其cut，唯悲劇的發生往往起於蠢人靈機一動。現實或有很多如像那電視台難cut，只因這裡企業或政權如像東南亞某國看似唔太聰明。