《火遮眼》- 故事在此的意義

 

谷垣健治的《火遮眼》（The Furious），若評劇本當然挑聲四起，問題在谷垣早叫你無理由挑。 

 

若夾硬去挑當然挑出一大堆：又係「東南亞」、又係個女被擄走個老豆趕住教佢、又典型的黑白直線邪不能勝型、即又係《救參96小時》或《阿龍》。而且沙石亦多：開頭王偉（謝苗飾）與隊友視象，隊友竟大聲嚷不會把他過去透露給他女兒王雨晴（楊恩又飾），直當坐在他背後個女聾的；納文（Joe Taslim飾）話係學過柔道的記者但身手好得過分，不如係前特種兵承妻職重合理。其實幾每角色背景都交代得薄，像偉有甚麼不好意思讓女兒知最終又沒下文。 

 

但你窒谷垣佢卻會窒：「吓？乜你會認真睇故事？」電影其實由宣傳預告已經話你聽就係得個打字，故事只係羊頭。故此開場後五分鐘就開始追逐，總之是但諗樣叫彼此開打。要肯定係谷垣起碼自知自明，要打就好所以文戲唔駛多，否則如《阿龍》咁仲老尷。總之好人最後勝利、女兒得救、大家叫爽搞撚掂。 

 

只係這裡就存在一個悖論：故事在這套有沒存在必要？若然開打就好，理由話之你擄走我女、殺我全家定老豆，咁還真係駛撚故事。問題現實係沒目的看不到終點地打，大家定睇到不耐煩，故還是先叫《火遮眼》，起碼你有火才能打。但大家又會計較：你被怒火遮掩雙眼不會闖出叫自己後悔的禍？這未免太沒深度了吧。或給我係谷垣健治他或會回：「你覺得要深度啫，我覺得唔駛喎。」