《走出人質事件》- 走出蠢事

 

梁鴻華的《走出人質事件》（Beyond Hostage Crisis），未出就先惹來叫罵，嚷不能消費當年慘事云云。這還先講句公道話：當年受害者易小玲也為這套背書，其實沒啥好罵。 

因這套係福音電影，有人就罵不應用他人悲劇去傳福音，這又再可幫梁辯：成套戲「神」就只在最後五分鐘出現，就係記者麗坦（廖子妤飾）向葉小玲（童繽毓飾）轉述派薩（Sahronizam Noor）家人向其致歉禮物，係一個十字架，之後係其教友向其打氣 - 「神」竟就像關愛隊咁出過來當做左，若話係彰顯神恩卻似說得諷刺。 

 

電影八十分鐘盡在「事件」，全部歸納其實一字 - 蠢：影射菲律賓的東南亞某國上下皆蠢，官僚貪得蠢、現場指揮的警察皆蠢、諗搶頭條搞到一鑊粥的記者蠢、麗坦為封復職信被耍來耍去又係蠢、小玲同錦明的瓜葛又係蠢事一單，全部集合似迫使派薩變桂林仔射殺唔識走的邪救信徒咁，蠢事一大籮令人不禁要毀滅一切。 

 

開頭葉小玲嚷已原諒派薩，說他只係一個追求公義但用錯手段的人。其實她只係想走出這悲劇，細緻講係走出這件蠢事。只係走出還是靠自己，睇唔出神如何帶你走，或者梁鴻華係接此題而焗拍，或又知不可試探主，於是把神拍到 《大佛普拉斯》咁，或就最好安排。