《戀愛裁判》- 被賤賣的偶像

 

深田晃司的《戀愛裁判》（Love on Trial），氣氛已沒有那種緩慢到不慄而寒，但依然靜焗。 

 

偶像禁愛令唔係日本獨有：大家都記得香港的Twins - 鍾欣桐陳冠希的閃咭被爆出，蔡卓妍鄭中基暗啞底結婚，兩邊都要開記招認死狗道歉。小弟當年也問前者其實可趁唔駛再扮純情玉女來探索新血路，但之後她都接近一沉不振，令人不禁嘲她除左「處女」就冇貨賣。 

 

若偶像禁愛係業界共識，唯執行卻很大細超：君不見近藤真彥玩女到渣男程度依然紅透半邊天，現實多係女偶像與另個男人稍為親密就被指指點點至炎上抨擊。你指她們被批理由其實係唔誠實：她們都曾對外明或暗示自己單身，反而近藤好歹和中森明菜之間係坦承公告天下過。 

 

返番問點解偶像尤其係女不能談戀愛，電影中法庭內已赤裸講出：因為要滿足粉絲的憧憬，令粉絲以為自己與偶像在戀愛；戲裡一名課金最多的狂迷，得知女團成員菜菜子（仲村悠菜）搞地下情，像被戴了綠帽般大怒到搗亂見面會並意圖行刺她；山岡真衣（齊藤京子）經常眼神空洞，女團中看似時常最疲倦最不言笑，這比《國寶》裡的喜久雄更擺到像浮士德出賣了靈魂。 

 

真衣一直不以為然，就算庭上答辯，也稱對禁愛令沒太了解急腳地簽。真正轉在她碰上了沒有她在內的女團宣傳車，原看似無神對甚麼都沒所謂的她突在路邊崩潰大哭：她自身的戀愛權利遭到賤賣，就分攤給一群她不相識或心底厭惡的毒撚，這像《嘉年華》的小女孩係事後才知作價太低而痛哭。 

 

唯深田安排真衣覺醒得快：她反告偶像禁愛令違憲要求追討賠償，要講明我賣才藝賣樣卻唔係給你意淫作女友。有趣係真衣先前搵開的男律師指無勝算建議接受和解，她隨後就換個女律師而且打贏，像嚷你這父權根本就唔明。唯現實或明或暗的偶像禁愛令橫行多年，卻沒啥聽到女拳出來罵過剝這奪女人自由戀愛權，黑心地諗係女人本最會互相妒忌，見一更亮麗女星未能和喜歡的人光明正大戀愛反要被一群噁男意淫，只會暗喜其活該抵死，女人才最會為難女人，深田晃司似唔明這道理。