《再見UFO》- 你夢想離開地球定真要離開地球？

 

第一次得知梁栢堅導的《再見UFO》（Ciao UFO），係二零一九年的香港亞洲電影節，同為開幕電影 - 梁國斌的《獅子山上》當年接上正場，UFO則塵封多年以後。 

 

其實兩套電影講兩時代，《獅》係寸你仲諗五十年代一窮二白自卑於山下，《 UFO》則另回事：八至九十係全民無憂米，住華富就想著置富，故講抬頭相信便能飛。 

 

徐天佑蔡卓妍黃又南三人組分叉三故事，都係講縱使無憂米還是會遇挫折，醒覺自己唔會成為了不起的大人。只係你嫌其表面，要深討可再參徐黃的舊作 – 彭浩翔的《AV》，黃那時還以為自己對天宮真奈美很重要，後亦是醒悟：當自己以為對世界很重要時，其實世界正準備原諒自己的幼稚。 

 

梁栢堅或係善良：他嚷只要有幻想就會有希望，即使挫折到自以為成熟，但只要能抱有，你就能面對逆境面對最黑暗。只係梁以為最黑暗，只係二零零三年四月一日時。此片拍成時，該未到二零一九年年中，更加不要說往後。或者《再見UFO》係期盼最黑暗時，起碼有個逃生口。離唔離開地球唔重要，反正 畢業生 咁最後跑上巴士，都唔理巴士會開去邊。 

 

只係電影拍成那刻，我們還以為只係逃避實更似休息一下，因我們還以為黑暗會轉眼渡過。今日我們或成功離開地球還是那裡，眼神卻如《畢業生》般迷惘，只因我們仍未知道這次黑暗何時走過。