《地下美人》- 埋於地下文藝鬱結

 

夏昊的《地下美人》(Number 23)，搵已變做大媽的郝蕾做阿媽吳姬，夏浩然做兒子韓燁，背景係二零零八年或之前的北京，姬做紡織廠，廠因拆遷而把她裁掉；燁係懶憤世嫉俗毒撚，周圍睇唔順眼，睇上班中女生對方卻沒把他放眼裡。兩個翳悶的人連上偷設在防空洞下，似《德州巴黎》或《青少年哪吒》結尾李康生諗打唔打好的傾心事熱線。

 

話傾心事係傾到像柔式按摩，最後還說自己廿三號叫下次再搵佢傾。其實電影扮激卻保守得很，兩母子唔單止沒在電話裡連上，就係在防空洞裡撞過正著也沒有。寫母子電話亂倫似過龍，雖如《德州》咁或又很有意思，當然如此国情夏係寫得出也拍唔出。 

 

有人話電影所述的翳悶唔係在姬燁母子，而係文藝界：地下傳來的情慾對話時像詩，配以油畫背景，韓父親既是廠工也是詩人，地下世界似係文藝埋藏，也埋著文藝人的埋怨：在地面他們無所成，躲進地底想文窮後工也至死沒被發掘，他們渴望成就：做出給他們名利作品也好，或至少膚淺如《白塔之光》裡辛柏青有黃堯當其繆思。唯韓父見只剩下如大媽的姬，就拋妻棄子自暴自棄出走不知去向，如亦有人說這套實係諷刺文青無病呻吟自怨之病。 

 

當然你說文藝要埋在地下而成鬱結，只因有幾多能抒己見的文藝作能擺在地上？郝蕾最出名作係婁燁的《頤和園》，婁遭多次禁拍：姬與廠領導鬧翻拿水潑向後就漸迫至地下，或就暗喻這樣。就算長埋地下也會遭公安以掃黃來趕絕，正如今日又有歌星為昨日言論「致歉」： 作賤如此，《地下美人》就講如此。