《我們不是什麼》- 由驚畫面唔靚到理撚得佢靚唔靚

 

邱禮濤久違拍返社會，你話《我們不是什麼》(We're Nothing At All) 似把大陸嘢硬搬落來香港，尤其陳毅燊在中環碼頭擺檔被掃，你話掃小販係食環就算大陸都係城管做，怎會警察出手？但你眼利會看到其賣的一幅似畫人群裡的救護車，就即諗到叫警察係另有所指。尤其都快一国一制，大陸香港那用分那麼細？ 

原故事雖遠於一九九八，但近似的無差別殺人仍周時於大陸各地上演，這些無差殺人皆統取明未大西皇帝張獻忠叫「獻忠」。《我們》就係解答獻忠由來：陳與江毅燊扮社會基層中最邊緣的，常遭周邊人以至社會剝削，覺社會有負於我就要社會陪葬。所以爆炸案疑犯未必只陳江，譚耀文也可算，只因其遭遇如《拆彈專家2》裡的劉華。 

 

你問這套算唔算邱導開的「革命系列」，表面睇唔算：邱的「革命片」就算遠大離地都係講我為人人，《我們》敍述的獻忠本質卻係自私；雖你或會話這套又似足立正生《革命+1》：刺殺安倍晉三還是引爆巴士，說理由都係只自己人生不如意而賴天賴地。當然明顯分別係刺殺安倍好歹向上對準，引爆巴士卻係窩囊求其搵同自己同階層甚至更低的人來發洩。 

 

或者大家本來都知，獻忠的出現係有冤冇路訴，無法正常宣洩而爆煲，桂治洪的《憤怒青年》都提過。往日大家都覺一国兩制：《我們》故事只限大陸。唯多年前我們被告之和平表達訴求是沒有用，眾人護救護車的畫面無法再現。所以雪花崩塌時沒片雪花無辜，這是明明我們人生變得不美麗，卻硬要說這是美麗新世界的共孽。《我們不是什麼》，但我們或都會變獻忠，昨日我在還會在意畫面唔靚，今日我們卻會理撚得佢靚唔靚。