《風林火山》- Juno continue Poor U

麥浚龍粉絲中似有很多勝利球迷，就係你們高呼對《風林火山》(Sons of the Neon Night) 大失所望時，小弟反想問那班「粉絲」：「你們到底喜歡《殭屍》甚麼？ 」 

 

唔理你信唔信，小弟一直覺Juno就係件二世祖，當年《殭》小弟也質睇到一頭霧水，若今次你們也睇到腦霧，好歹證明他根本就沒變過亦沒所謂差左。你說《殭》好歹錢小豪一直線由頭貫到尾，《風》卻係金城武劉青雲古天樂三大線交叉不突止，仲有梁家輝高圓圓衛詩雅姜珮瑤任賢齊盧海鵬鮑起靜，眾多細線再交叉糾纏不清係會令人睇到瘋。更吹漲的是你由這一個看似磁能線的故事脫困而出，赫然發現這麼一個你殺我我隊你之故其實就只係《社團之撚位》，你罵Juno故弄玄虛玩鳩你笨柒，但唔好忘記《殭》也是打殺最後，才竟發現一場夢。 

 

之所以強調Juno二世祖，就係解你怨Juno撚鳩觀眾佢卻係撚得起，同羅守耀一樣道理。仲要佢入埋套戲做個多重身份人格分裂問係咪可以返轉頭的炸爆戲院臥底 - 咪話我唔警告你：這根本就一神經病故事，你重要睇落去那就唔關我事。 

 

其實Juno就係件憤世嫉俗：以前覺《殭》係《Chapel of Dawn》大碟電影版，咁《風》亦可謂《Poor U》的大MV ，尤其為何黃偉文那麼重要 ，因他就是填這首詞。他演啞巴也就係不必多嘴冷眼旁觀，也就係「我鄙視你的熱心 我可憐你的純真 / 正好相反的我 也可憐你的殘忍 」。再者電影畫面顏色呈灰白，沒純正的正派也沒奸到出汁的奸，只因硬作正派太虛偽無惻隠的惡太無謂。你說IFC樓下隧道打地鋪作家、銅鑼灣落雪、說1994年卻用智能手機 - 冚唪唥唔現實，但人卻是最現實。 

 

《風林火山》似就係Juno自我感覺良好的藝術品，你認唔認同他就係懶理：藝術家就係自信唔隨波逐流才成就藝術，正如金正日懶理世界目光拐走申相玉崔銀姬，才成就《北韓騎劫夢工場》的故事。亦因此若你的偶像本來一如以往，你卻只因看不明而跟隨圍插，你還是自認就是那庸俗的勝利球迷罷。 

 

反正我就唔係Juno粉絲，我還是會挑這套說是三級卻沒叫得上三畫面，突然覺得沒偶像還算是一種幸福。