《瑪利亞的最後探戈》- 論牛油雞姦

謝茜嘉柏盧 (Jessica Palud) 的《瑪利亞的最後探戈》(Being Maria) 講女演員瑪利亞施奈德 (Maria Schneider) ，她最著名的一套，係貝托魯奇的《巴黎的最後探戈》。 

 

電影起係十六歲找回父親激怒母親被趕出家而開展演員生涯，轉為吸毒再遇著同性伴侶，《巴黎》的拍攝過程安排在承，「牛油雞姦」就是這承中之重。縱使以《You Were Called Maria Schneider》為藍本，但導演就那幕態度似中立：馬龍白蘭度沒除左自己條褲，貝托魯奇有講點解要咁拍。 

 

雲海嫌這裡輕描淡寫，但其實夠帶出兩問題：貝托到底有沒錯？這幕到底成就定毀了瑪利亞？ 

 

當你通靈問返貝托，佢實話自己無錯，給他重來佢都係會咁做：這樣才能看到「真實」而唔係「演戲」- 都話藝術家有自信而傲於旁人態度才成就藝術，正如把世間當舞台，拐走申相玉崔銀姬拍戲亦是作了場世間大戲的金正日。問題只此一開，往後跟隨此心態比比皆是，如張婉婷或《武替道》裡的武指，只係成功就係藝術家，失敗就係自我中心的廢老，貝只好彩在佢成功而已。 

 

瑪利亞指控那幕係貝托馬龍沒預告的合謀強姦，但馬龍即興把她按落浴缸、貝托臨拍那幕前給她的導讀，叫人懷疑她真沒預料到？縱使瑪利亞有權稱自己受害受傷，但人們也可以某茂李邏輯去窒：「你拍得呢D就有咁風險。」《巴黎》肯定造就貝托亦造就瑪利亞，她自此正式踏得上演員之路。瑪利亞染上毒癮，話係與此有關，其實只一部分，對父親的怨恨或又為一部。而到遇著女朋友Noor ，電影態度愈似說其人生始終要自己負責。 

 

結尾係瑪利亞接受訪問時得知貝托魯奇在附近，她決意避開，其實也就是她要擺脫那事。「牛油雞姦」一事再被翻炒係二零一三年貝托自己再提起，那時瑪利亞馬龍白蘭度早已離世，人們醒起就大斥不道德，如《嘉年華》般小女孩疑被佔便宜，哭鬧最呼天嗆地竟係旁邊的大人。畢竟論斷別人最容易，承受到論斷而出的藝術家少之又少，所以世上酸民多，貝托魯奇馬龍白蘭度瑪利亞只一個。