《選擇有罪》- 首爾的樹枝

肯定香港電影發行自把自為，而朴贊郁自己沒想過的「罪之三部曲」，唔係英文名打明No other choice，大概又會叫「誘罪」而唔係《選擇有罪》。雖然你都會嘲起名個有否睇過套戲：戲裡個個都呻話「別無選擇」，無得揀那我罪之有？ 

 

電影似《長安的荔枝》又係講社畜求生記，當然大異的多的是：長安的係求保命也是保住自己份工，首爾的是已經失業要想法拿回先前；長安話之你覺唔覺得造作，總之堅持耿直善良好人，首爾卻係過一陣子就想歪諗到殺人，說「別無選擇」- 只因覺得求過情嚷裁我等於殺我，你也「別無選擇」把我裁掉，那我「別無選擇」把你殺掉也別說沒道理啊。 

 

重要係長安的你會身同感受，朴營造的主角卻叫大半觀眾難以同情：主角住郊區大屋、還持車兩架番狗兩隻，說是中產也算是中之頂層。失業也唔算是推到他到跳樓地步，只要他想通賣掉大屋再節省多點，還是夠過日子，既然你根本唔係走上絕路，竟要「別無選擇」犧牲他人性命，係自私得荒誕。更別說他沒「對準政權」，只敢操向同階級的人這麼懦夫了。 

 

長安重點係荔枝，首爾卻係樹枝如鬼魂跟隨：主角由始至終只選造紙業、興趣係種盆栽到設有溫室、殺人後埋葬屍體上種起棵樹 - 朴本來就唔打算叫你同情，反而嘲笑埋主角一份：佢根本就係一碌木，「別無選擇」只因佢自己無變通能力，唔試其他工作唔去投資唔開咖啡店，縱使最終找回同樣工作，但行業環境轉變，空無一人的廠房，主角更似一棵待被斬的樹坐以待斃。唔係長安的傻人最後得已保全，真正忠實的人不該受嘲諷，該被係損人以利己的自撚私。 

 

諗起這套最似唔係《長安的荔枝》，而係彭浩翔的《維多利亞壹號》- 何超儀為買到樓而殺人且殺得更狠，睇番你或覺《選擇有罪》又唔算荒謬：人總會固執於別人難以理解高價之東西，昨日可係一層樓，所以今日可係一份工，所以你或都係唔會同情，卻又覺得其實這又很現實，畢竟十幾廿年也是這樣。