大鵬的《長安的荔枝》 (The
Lychee Road)，你問到底好唔好笑爽唔爽？係問我的話卻唔覺好笑不感爽。
電影擺明如《金瓶梅》借當世諷今世，唔駛講到某国官場，大鵬自演埋的主角：耿直的上林院監事李善德，在官場、家庭、社會遭遇，無一不嗅到現世，而且就係周邊的氣味。你發覺這李係愈睇係愈唔好笑，笑點一要點係正常情況下做唔正常的事，但李的情況連所做的在大部分觀眾眼中都係正常不過，甚至就係自身身上所發生的。你覺係不忍嘲笑李，只因為亦係嘲笑踏實做人卻遭社會玩弄的自己。
你問這套電影要怎樣才能令你爽？其實就係老實人敢去反撲，玩弄他的社會作法自斃：或者推動你看下去唔係待李是否能完成任務，而且期待結局是否「乎合史實」- 結尾係安史之亂的爆發，更甚者安祿山豈不是李善德的影子？目不識丁而本來忠直的胡人，卻被楊國忠（劉德華飾）搶功，因而叛亂，可謂老實人之反撲。
但你始終不爽，就算李全家被貶到嶺南卻得已保全，你卻知這是安撫人的小甜頭；李善德聽到長安陷落，他想到聖上楊國忠等生死未卜，想到自己在長安的家盡毀，他哭就只有哭。「正常」他或也想到壓迫他的社會被毀，理應該笑，但他卻毫無笑意：盡管四周得到解放他卻實則沒有被解放到的人。你話大鵬始終推崇老實人，事實他就怕你做安祿山，寧願你戇居居學李善德。故有人話此套夠煽動，我只想：「煽？邊撚度煽？」
沒有留言:
張貼留言