《醬園弄．懸案》-「真相，你搵到又點啫？」

 

唔係講笑，陳可辛的《醬園弄．懸案》（She's Got No Name），睇完諗到相對的，係羅守耀一杰作《被消失的兇案》。 

兩套被害者都係死有餘辜的男人，兇手反是弱者，殺人為求自保，唯殺左人當然也未解決，弱者最後能否捱過一連串木人巷得已最終保全？兩套兇手都能逃出生天，分野在羅的係男陳的是女流，二世祖羅夠膽搞出個叫觀眾𠝹凳發癲的吹漲結局，北上搵食的陳就沒此膽量，話時勢轉易令糟質弱者的木人巷倒塌，縱使你或挑咪又《武俠》咁一個行雷劈落來如來神掌式修結。 

 

你或斥小弟可對比其實很多，為甚麼偏要找羅氏作？例如是技裕和《第三度殺人》：撚鳩法庭的役所廣司，正如一面被黑警薛至武（雷佳音）迫供認罪，上庭卻推翻證供說被屈打成招的詹周氏（章子怡），兩者玩鳩強權，強權亦對他們毫不客氣。只係役所預左犧牲自己成全他人，詹周氏係自己繼續求存，嚴格而格唔可以話刻意玩鳩，因她都係被迫著，正如都係被迫殺夫咁。 

 

若再對比《被消失》，就係兩套都另夾雜很多人物，亦係因導技令他們理應係局內卻實似局外人：羅安排一堆九唔搭八對白搞亂觀眾，陳則係叫詹周氏單打獨鬥，理應助她的劇作家西林（趙麗穎）、律師范偉（葉伯修）等竟沒和她有所交流，直到結尾才一次過表露他們關係。 

 

你問陳為何如此舖排：可解釋係所謂案件只係楔子，重點講當時女性的掙扎，問題係就呈現詹周氏被丈夫毆打施虐，被薛等刑求，觀眾似鬥獸場上的看眾睇一手無寸鐵女子與猛獸隻揪，就係只睇女人如何被剝削。 唯始終你用一單懸案作主題開頭，卻從頭到尾你都沒認真敲打，最後更推給時勢讓真相不了了之，態度似某條食卡碧引山火的友仔所言：「真相，你搵到又點啫？」

 

你或說這只是上部，真相還可下回分解，問題係下部是否一定有？羅守耀的《人妖阿發》也說要拍夠三部曲，怎料第一部結尾就全劇終。若你不能令真相浮出來，其實還真無咩點，你只係同羅守耀同級而已，彼此也是導演不用分那麼細。