《無名指》- 麥路人2.0

 

港人崇日到無錢飛日本，就把大帽山當富士山，同樣去唔到追濱邊美波就留喺香港的戲院睇許恩怡，《無名指》(My First of May) 叫可讓你睇得她好夠，唯認真的會看孔令政能否把她推至新高度，亦就睇得出重未得。

 

這從一開頭就睇到：鮑起靜跑到郭富城瞓緊的工廈劏房嘈醒佢，跟住兩人七嘴八舌延到之後，接近無一刻唔講嘢唔得，仲要咩都畫公仔畫出腸，就此定左格局只是一套肥皂劇，亦也只係《麥路人》2.0。 

 

城城又唔係未扮過窮撚失意男人，唯如《麥》咁會叫人覺得他還真只係「做戲」，同樣許係努力去扮肌肉萎縮，你亦會感她未算像真 - 原因一在兩個沒有「搲爛塊面」，由周邊環境：是正劏房公屋單位散發的廠景味，到城城時有寒酸卻大致官仔骨骨更會氣焰，表現唔到落泊人的縮骨猥瑣；許似不敢叫觀眾厭惡，所以雙面人咁一時精靈一時黑面埋怨。兩個都避重就輕，也就活唔出真正窮撚「爛人」「廢人」嗰種我就係咁無謂幫我裝好扮。 

 

電影多說話，諷刺卻講唔出人心底究竟：城城開頭自暴自棄，但究竟係接受不了事業失意還是愧對女兒？原本說滑落只因韌帶受傷，卻最後待女兒離世就重握球拍，講到女兒其實就係負累，事實係你死我才能發達，若這才是心底話，之前講甚麼最愛家人還真只係為做而做戲，善意解讀亦叫人想問這個城城想點撚樣？

 

你窒小弟百彈齋主咁又可有高見：或就係戲裡九成對白cut哂，鮑起靜做真正配角企埋一邊，郭富城許恩怡就如《新活日常》咁唔使點講嘢，沒有對白掩蓋就能直接看到他倆能否演活角色。你窒這就會沉悶，唯現實就係咁悶咁寡。若你還覺都係重味精易掌握到，那由你當睇濱邊美波就好了。