《青春末世物語》- 末日唔到，青春悶局

 

空音央的《青春末世物語》 (Happyend)，行的是現實主義：戲裡男男女女都沒個樣貌亮眼，就係告訴你現實中學生就是這樣。 

 

戲裡那套依靠一系列鏡頭監視的扣分系統，其實隔離某大国早就用緊。話學校係社會，還不如就係那国縮影：校長因車子被翻倒而安裝那系統，就如因瘟疫而行的 健康碼，學生起初對系統凌駕頭上不敢多言，如那国人民的逆來順受；學生逐漸的「反抗」：如暗角遞煙「裝陷阱」給同學，或戴頭盔面罩避過系統偵測，只就如用「鬼機」等暗裡蔑視；學生圍攻校長室要求移除系統，校長在畢業禮彩排上稱「暫緩」，但叫學生交人出來，大家吵一番後一個學生自願頂哂上身，也就係一張白紙演變成看似會翻天覆地的革命，卻就只係不用健康碼以後就叫得人群四散，懶理挺身而出的被秋後算帳，大家都唔知咩叫齊上齊落。 

 

當然一切起因就是一單惡作劇，就係村上龍《69》裡講的「封鎖校園」，那管那時正火紅年代，但頂多只係校園室裡拉屎。就係人多是人云亦云，你嚷自己朋友膚淺不問世事，但你對自己參與的革命又有幾多理解沒有猜疑？就係當年大家還會跟著潮流齊上齊落，時到今日，你朋友在最前線，你就還戴頭頭盔投鼠忌器，讓你眼中「膚淺」的朋友擔哂所有罪名 - 只因你不明白所以不相信所謂革命。 

 

你深究所謂革命原因，所謂極權壓迫反撲還是政治啟蒙、還是係韓或是外邦而來自視為社會邊緣人都流於表面，關鍵詞係戲名「末世」：《完全自殺手冊》裡開頭講的八十年代嚮往世界末日潮，但當然世界末日始終不會出現，大家因而繼續如三島由紀夫《假面的告白》裡講的比戰爭還可怕之「令人顫抖的日常生活」，要擺脫這境界而又要珍惜生命，那就唯有去革命。

 

也是後來轟烈一下就散之因：其實只想試感覺，反正失敗無成本，被踢出校只是早點成人，唔係生死存亡那用竭力。總之《青春末世物語》唔係如《世紀末暑假》見甚麼青春，青春係由始至終面對現世，想翻天覆地改變卻變不了的一場悶局。