《曾經擁有》- 氣量與深度

 

胡鬧賣姓盧的《假冒女團》原來唔係徐梓耀的處男作，講電影的《曾經擁有》（Remember What I Forgot）才是。看著片裡廖子妤（飾姜世傑）仲傻更更地大口吸電子煙，你就知這套塵封了多久。

戲名原叫《電影痴漢》，大概驚辣慶某些人而求其改：吳少金（姜浩文飾）算係影評人，甚係近似小弟至時下某些電影KOL - 窮得買一串燒賣也要孤寒，用影評來換首映票，在拍攝現場指指點點，卻就沒投入電影工作裡去。

 

既然吳熱愛電影到痴漢那為何不投身？這套除了説他腦有病就沒正面回答，叫觀眾自行腦補的答案一係把電影當係聖地不敢擅闖，如《信用欺詐師JP》第四集佐野史郎飾的影痴卻又唔敢投資電影的二世祖老闆；但在片場指點江山並數算電影的吳又似另一種：早已看透內裡，就如明知月球表面根本無美感可言，那就無謂登月遠觀就好。只係他最後被賞識邀作監製，又係無謂的浪漫。 

 

《曾》查實可以卻就沒有深度，在於其看待影評人：一開頭講「劣評小王子」逢戲必反搞到每套票房皆暴瀉，這如小弟以前差評甚至「劇透」某電影時，都被指扼殺玩死某導演云云 - 查實小弟以至現在影評人就一支筆豈有力王般的破壞力，原會如此說都只限皇帝唔急太監急的粉絲，但現在電影竟如此論，那就係氣量問題：你既然話定一個人係「賤人」「有病」，那豈會虛心了解他？就算你收埋「痴漢」，最後俾他攞個彩，都掩飾不了你根本對他態度。

 

話雖氣量豈係做導演一定有，如陳凱歌都不見得有，所以《搜索》會誤會話題被炒作完全電視台主導，《曾經擁有》也就如是。還記得《假》裡講「認真做才有意義」，或者徐梓耀的認真還真唔係得個講而係一開頭就是，唯認真就被埋沒，那就係《假》的胡鬧兼諷刺發洩。只係翻出來卻暴露你的氣度就這麼，那認唔認真似乎都沒大分別。