《香港四徑大步走》- 給痴線的情書

 

你問Robin Lee的《香港四徑大步走》(Four Trails) 好睇在那？明明只係紀錄片，拍著十數個參加者跑三百公里，或許好睇在正是拍出來都是「真」的。

你可以對湯告魯斯拉著飛機機身衝上天沒有感覺，因為你明知那是做戲。《四徑》卻係活生生的：麥理浩衛奕信港島鳳凰四徑共合近三百公里、大帽山彎曲山鳳凰山的山徑、孖崗山的千級天梯、眾人跑到臉色蒼白、羅啟邦的腿傷、梁俊強的眼淚 - 一切都真擺出來，沒樣鋪排搭建。就係踏過四徑，也不用走哂全段，起碼竭力上過孖崗鳳凰，也會汗顏如何完成這三百里路。

 

你問跑《四徑》意義在那？片頭說有人想突破中年危機，就係《激戰》咁贏返一場就甚麼都不重要，何況長跑講係超越自己不在意別人，故途中碰見其他跑手都可以問好談笑輕輕鬆鬆。對普通登山者尤其攝影師難以理解：登山係享受其風光，但跑山就係見到風景卻無瑕捕捉，起伏不斷的山脈對其更是折磨，心想做咩要攞苦來辛？

 

你話好似登珠穆朗瑪峰，可以單純如George Mallory只：「Because it's there.」。要深層係征服感，就係一口氣七十二或五十小時跨過一個個山頭，就如登珠峰般傲視天下。且相比登珠峰要一擇千金，《四徑》係公平的，理論上你就算報不了名，你自己去跑都沒人阻止到你，說大家較量彼此體力意志，但其實如何只有自己知，所以會有老手中途退場，亦有單純的新手第一次就五十小時內搞掂。

 

總之，七十二小時內跑三百公里絕對係痴線行為，《香港四徑大步走》就係給痴線佬婆的情書：跑不完不打緊你已很努力，跑得完當然要像親吻郵筒般被親吻。