《臨時決鬥》- 「返轉頭把撚呀」

 

《臨時劫案》贏口碑，麥啟光緊再下一城，只係添食往往不及首次，《臨時決鬥》(Hit N Fun) 也破不了這宿命。好簡單郭富城會裝哨牙，來到這套那個會敢醜化來突破自己？梁詠琪 (飾嘉莉) 她頂籠就只叫自嘲而已。

 

就算 劫案 算嘲下 樹大招風，但起碼這只嘲一項，決鬥 卻回到以往賀歲咁，見時下有咩都攞過來嘲一餐：「九龍城寨」、網絡生態、「打羽毛球」、「由治及興」等，就係古天樂 (飾鍾磊) 最後又係《貓星人》咁講上市 - 一味執口水尾。好夕改名玩食字就只係「鍾磊社」，新意欠缺也就驚喜欠奉。 

 

你要我找電影可取處，或者橋照舊仍會有所教悔：女人為爭仔而打拳，用無聊直接了當嘲以前講開的「怯就輸一世」或「要打就一定要贏」；鍾磊不斷輕易摔倒林雪（王丹妮），她問點解唔阻止她與孫雅雲對決（周秀娜），鍾窒她成頭血叫嚷點阻 - 人總要為自己負責，卻係講到口臭也沒人學曉，於是簡單拳頭教育下重實際。

 

以為沒新意就沒金句，陳偉斌（張文傑）叫嚷鍾磊隻揪，鍾說無得返轉頭，斌駁：「返轉頭把撚呀！」以前就係陳浩南對MK學生哥嚷佢唔想做揸fit人但返唔到去所以勸行錯路無得返轉頭，但若就已係成人既然已經踏出，也就要為冇得返轉頭自已負責。亦就是其實望返轉頭還真把撚，那管係想當年還是二零一九年。

 

只係既然賀歲，大家最後打邊爐和氣收場，麥啟光就頂多擺左句條路自己揀作結。出返戲院，大家都知現實還真無得返轉頭，只係很多人仍教不聽把撚地提二零一九。