都係個句，對我來講叮噹就係叮噹，乜野多啦A夢 (STAND BY ME DORAEMON 2) (八木龍一、山崎貴導) 我永遠都唔知係乜來。
由細睇到而立之年才明白大雄這個設定：即係看似廢夾遜，卻係最叫觀眾能代入去，就如《挪威的森林》的渡邊 - 沒人會相信自己係全能的叮噹、亦唔多自信係優秀的出木杉、並不願當成暴戾的技安或狐假虎威的阿福、最多人相信自己只係凡人，即使有時會挺身而出，但始終從天而降的英雄就只在電影裡出現。
十歲大雄唔明白成年大雄想要逃婚，成年觀眾或會半明白：即使你一直叫佢爭氣，但他始終係凡人，都係經歷過挫折導致一蹶不振，而沒信心給幸福他人；成年大雄代入十歲大雄，在古惑仔前保護到靜兒從而取回自信，你會覺得幼稚，但《激戰》和《點五步》也是如此套路 - 人只要贏返一場就可把問題拋諸腦後，或者所謂成熟，卻係另一種幼稚把問題複雜化。
成年大雄回到婚禮，靜兒甜笑說早知道剛才他係靠叮噹搵十歲大雄頂替著：觀眾又半唔明白大雄只自己冇自信，卻沒問過靜兒想點 - 即使如女神，卻早接受大雄只是凡人，他唔需要真係爭氣，只要相信自己能夠爭氣，就夠給到靜兒幸福。
所以叮噹點解唔會陪大雄直到成年？因為成年大雄只有靜兒就夠：不知天高地厚就會自誇係銀河修理員，即使背後還要叮噹幫著你去辦；長大後才想要身邊人體諒自己只係凡人，不論和平時，還是亂流時，這就係老左。
沒有留言:
張貼留言