《只能唱的心聲》- 叫人睇到嬲的石井裕也

 

沒想到石井裕也都會有伏作。 

 

其實睇《只能唱的心聲》（All The Things We Never Said）之簡介該估到：雖說九十分鐘亦非沒可能刀仔鋸大樹，但仲野太賀若葉龍也大島優子兩男一女，根本寫定個嬲字係你面前。石井還真如戲裡大島般夠不負責任，公然叫嚷係你自己要睇唔關我事。 

 

主角原該係仲野若葉兩男人，但大島才顯得似係真主角：做渣女出軌還厚臉皮怪到前夫，其自作孽亦實則影響故事走向；仲野還真廢得交關，於是娘家還好意思渣埋一份；若葉講好聽點係用來構成這三角，說白就係唔知做乜。 

 

女人夠渣還不夠男人無能叫人火滾：仲野一味弱雞，見大島騎乘別人竟調頭走、又唔敢從外家搶回女兒都同你算。最叫人拍檯係自悔唔勇於講出對大島、最後又為能否向女道出對她的愛而哭哭啼啼 ，話雖石井拍到的日本男人都唔硬得去邊，但如此無膽匪類還真叫台下觀眾大發爛渣。

 

你或幫石井辯其實他在進諌當世：三人又渣又廢亦都係唔知想點無方向 - 泡沫爆破後一味迷失，AI也快取代人工，若人本身連人倫價值都沒有，那日本還真存亡堪憂。只係石井如此軟弱鋪排，除了叫人睇得個嬲字，就係唔俾個屌字已經好俾面佢。