《金錢帝國：追虎擒龍》- 「講人話」的王晶

 

我就係唔提倡罷睇誰的戲，係有一個你會以為我天真的理由：專業的影人就係識做戲，你見佢又賣屎忽搞到咁核突，咪就係要做戲俾人睇去博得信任。總之掂到銀幕，就係時機盡爆心底所想。 

 

你諷王晶只過了十年就翻炒陶醉，話雖《金錢帝國》係有點名聲卻始終未夠經典。其實有古天樂扮老廉陳克，只差在唔搵林德祿而係許悅銘，你就覺得還不如叫「乜風暴前傳」好過《追虎擒龍》 (Once Upon a Time in Hong Kong)：徐樂（吳鎮宇）定跛豪（梁家輝）今次都係企埋一邊，主力係ICAC，重要鋪鋪出動都成排人舉哂委任證好搶鏡；中後白松安（林家棟）質疑陳克點解要撈埋掃毒，也就是小弟一直批「乜風暴」的文官武官分不清。陳克等中伏犧牲成半人  -  王晶都知於是寸埋一份。 

 

你會覺得依家奶哂共的王晶咪又係重覆《追龍》-  港英無能就一係港人自救，或是「祖國」打救。結果你睇到大學酒會上，陳克向徐樂質疑警隊問題：「講人話啦！」你嚇然不敢相信自己耳仔，這句勾起港人回憶起七二一事件，真係 王會用落去的對白？警隊貪污絢私等所作所為，你就覺似指桑罵槐。 

 

早就覺王晶講好聽係傑出推銷員，偏差就係古惑仔旨在投其所好：零八年會同許鞍華合作扮下本土，二零一四年見大陸水多就奶共，今兩年或醒覺所謂沉默大多數係從來都沒有，於是就去「扮黃」圖執返些少。你話港人先沒咁天真，王自以為好戲 就咁扮下會令人信佢大徹大悟真心黃？ 

 

徐樂指陳克等「搞亂香港」、「破壞既有的秩序」、「難道英國沒貪污？為何英國不用ICAC？」簡直就把現實某班粉腸常講歪理搬字過紙，你質疑王晶為何諷刺 – 好歹同陷一攤爛泥何必相煎？又或者王唔係咁冇雷氣，反而好心提醒：以前的雷樂係成功走佬，今次的徐樂係連同其他被一網打盡 – 這套戲係咪因應「忠誠的廢物」而寫唔重要，因為王都叫些少醒目，八十年代冒起搞足咁多年，唔看透中共也清楚中國人 - 你貪得無厭咁我也是，唔到你當家作主，那你當人condom明日也會被當condom，還要被清得不留情面，既然如此你還不如見好就收識趣好走。 

 

你若天真覺得王晶今鋪真係轉黃，還有一個理據：徐樂係代表忠誠廢物，咁陳克為香港人 – 只要堅持理想，始終笑到最後。就係唔止勸告同幫人，也是忠告香港人要硬挺，克服黑暗光明就來。只係一如我所見的王晶，通街睇慣佢的核突，難得做出漂亮都沒人察覺，就唔知佢還有沒下次機會。話雖七二一對中共而言，佢會推唔關佢事，就係戲裡香港貪污成瘋，英女皇只冷眼旁觀。