《喜歡妳是妳》- 看似水流金二千年

 

吳詠珊楊潮凱的《喜歡妳是妳》(The First Girl I Loved)  係唯美化的《流金歲月》，唔信拿甄妮唱的歌併落去，你會發覺歌詞上無違和感。 

  

《流》主幹係對白裙學生妹兩小無猜成長故，男角在裡不太重要。兩套分野在《喜》會友達以上，時間一七八十另一二千年頭，重點在吳楊沒口水多過茶，唔會有「請你食餅」的無謂對白，更唔會露骨地講「我鐘意錢，我鐘意駛錢」，就算其中一邊個老豆會呻下屋企唔太掂，兩女都掛住「拍拖」、掛住應對學校、掛住ICQ......就係唔擺錢上心。你會窒吳楊唔老實，但畢竟十七八歲少女，正常家庭有父母照顧，邊駛去諗錢去食太多人間煙火？故吳楊算係現實地幫楊凡「完善」左《流》。 

  

就算友達以上都唔似主講同性愛，吻完被學校拆散各奔前程最後都只限友情，其實沒細去談情探究。更多係兩人各自以及背景：二千年頭現在睇返也算平凡，就係那個叫妳學他扮阿飛的男明星，聽到他從高處墮下你也聽過就算。《流》都係雷同無咩大風大浪，主角都係專心彼此友誼再身邊事情，旁邊都係如一陣清風吹過。 

 

回想二千年可能係拍純愛電影好年份，若你真不問世事，可以只《喜歡妳是妳》般唔探究說我愛你，唔使諗住錢去純情。換轉今時今日你沒可能感受不到外面風浪，起碼你會嘗過比人間煙火更刺鼻的，而且你和最愛的分別地方唔會在教堂，而係如《流金歲月》裡在機場。