《永遠比那些笨蛋年輕》- 年輕是甚麼？

 

若都係以一個女生出發，吉野龍平的《永遠比那些笨蛋年輕》(Eternally Younger Than Those Idiots) 正好對比韓帥的《漢南夏日》 

 

如武漢學院派女生係現實又現代主義，日本女生就係浪漫主義：十四歲的楊果係冷眼旁觀只想自己，廿歲的大學生堀見（佐久間由衣）熱情易與人交往，並有抱負救身邊孩子，常講的「很抱歉，那時來不及在你身邊。」側面意思就係能力愈大責任愈大，這套可謂沒有特技的英雄電影。 

 

其實對照一下或可看到某地是否真脫貧：就係自己都未搞得掂才只好冷漠待人，又如《少年的你》出來邀功卻誰都知你係扮做野；堀見卻係開頭講想做保護兒童的社工卻被諷係稅金小偷，即當係食飽飯無野做，但問題還真係存在：真有孩子遭虐待，還有人勸明哲保身所以少管閒事才好，這些都唔使掩飾，就像照拍垃圾遍地，因為我相信總有人出來解決問題，而且唔使相信政府，因為食安飽足，就會得閒想當英雄。 

 

你話戲名《永遠》似係挑釁，雖說笨蛋係指傷害別人的人，但如果年輕係指單純而衝勁，那見機行事係所謂的老成。村上春樹講的注意儀表經常旅行學習到老堅持運動等保持你心理年輕只係客套話，年輕就是有棵熱血，見人要幫就不顧一切衝出去的心，若你還是心思熟慮，就不如大方承認已老。 

 

當大家都知扶起個跌到的老人會有被恩將仇報之風險，就注定某國已注定沒有年輕人。今日我們這個看電影的地方，仍有大把人見不平出來仗義，可見這地方年輕人還夠多。我們或該慶幸還有《永遠比那些笨蛋年輕》的唔怎造作浪漫主義在世間，就係這世界還有年輕人。