雖然小弟始終覺得俾左錢睇哂錢接著如何地罵係應份的言論自由，但有時也會反省若罵得太無的放肆，是否會呃殺了別人尤其新起之秀？
講緊周顯揚杜緻朗夾埋的《殺人犯》，當年小弟係恥笑埋一份，但無可否認係一套破格之作。結果十年後，雖為經典，但周杜一直有運，卻就搞唔出更有趣的，係威係勢的《真
· 三國無雙》(Dynasty Warriors) 也就是無聊。
點為之有趣？你意想不到就會有趣：電影我就講幾句已幾劇透哂：「怒鞭督郵」、「捉放曹」、「斬華雄」、「三英戰呂布」。對，《三國演義》〈群雄討董〉如何，這套故事就如何，有些情節會另有演繹，但始終沒有顛覆主幹。 你問小弟錦鯉有咩高見，好簡單零八年吳宇森也竟敢叫嚷難以統一不如三分。雖周杜實無膽咁玩，只因他倆仲要「背靠祖国」。
睇得出周杜係有搞科幻片野心：開場張角散五石散令黃巾軍喪屍上身圍攻董卓、劉關張陷地洞見女神劉嘉玲得神器等。但這些只在畫面上，就係不在內容上：戲名話係改編自同名遊戲而來，那其實甚麼叫打機？就係要你千方百計想過關之法才吸引到你。若然你預知劇情既定如此，就係貂蟬改欣宜去演而壓死董卓這招數都沒，你憑甚麼吸引我去玩？
或者當年通街恥笑「相信以你性格娶個老婆一定好靚」得太勁，於是對白都咬文嚼字，我想成套演得最難為係林雪，講真若交其自由爆肚，必有刮目相看的發揮。但現見他縱使左擁右抱，卻常似便秘谷住無法放盡。你問我這套三國有咩特別另類：我還真未見過如此陰功的董卓。
沒有留言:
張貼留言