講真唔係在威尼斯攞到隻獅就係完美，黑澤清的《間諜之妻》(Wife of a Spy) 就有個好明顯缺點：把大義澶然當係理所當然。
講緊中段聰子 (蒼井優)
原本一隻「日豬」，因睇了一卷影片就去「叛國」。你問就係咁又有乜問題？打比方一個支持開民主的大律師，突然轉做極權打手，我答原因只係佢行過某條街喊濕兩包紙巾就咁簡單唔駛諗太多，但睇你點都唔會對我此解話收貨。
但那套影片唔係清楚講哂日本在滿州捉活人作生化武器研究，喪盡天良到任何一個稍有良知都應覺醒云云？朋友你未免太天真，話雖影人都信電影有令人生延長三倍威力，但稍回現實去看，若真如此把炮，在這資訊發達一上網想睇甚麼即到手之世代，所有暴政皆已傾覆，我們居住這地早已光復。兩年前某政權暴行的影片紀錄，到現在也可輕易找到兼傳閱，但所有人都覺醒了嗎？並不是。
黑澤清就係忽略人有惰性，不想改變一直所信：津森泰治 (東出昌大) 的愚忠於國憲兵，到福原優作 (高橋一生) 的自由派商人，角色設定沒啥好爭論，因為他們始終由一而終。聰子開始就似貝托魯奇《同流者》(The
Conformist) 主角馬塞羅的妻子 - 都係食飽就好，最緊張只係老公偷腥。突然轉做個為正義而屈身貨櫃裝瘋甚至面臨槍斃也在所不措，話係一條影片會令人一百八十大轉係令人難以置信，人會覺醒卻唔係一朝一夕，講白就係聰子欠鋪排，難以信服。
有人驚奇黑澤清搞出批判日本軍國主義之片，睇來國安法限制了我們對他國想像：四十年代也有優作這講普世正義的，就知日本從來不是鐵板一塊。十年前若松孝二的《芋虫》諷得更尖，卻失落柏林影展。今日黑澤清在威尼斯奪得銀獅，或只係左膠派情緒高漲才叫他執到，運氣問題，這就真係咁多。
沒有留言:
張貼留言