《我的印度男友》 - 「一齊食麥當勞扭扭薯條」

 

你問應否體諒叫人尷尬的《我的印度男友》 (My Indian Boyfriend)？或可市儈點先問駛左幾多畢直去拍。 

 

毫無疑問導演Sri Kishore係有心兼有野心，唔止想把寶萊烏移來，而係想把它直情融合到香港。資源似都盡在歌舞上，場景都唯有現成，就係公屋到隔離公園，反而這就沒如《信用詐欺師JP：香港浪漫篇》般大畢錢所以劏房大過你我家的自以為是。而且態度似太謙卑，叫喬寶寶在印度家庭裡一半廣東一半印度話。換轉係常叫包容的某國人，該係場景香港卻係廣東話都冇半句。 

 

純以浪漫主義看，這算是給香港的情書，叫人不想太挑剔。但人總少不了些現實主義，於是就叫過分單純，一廂情願把印度香港mix埋就係水土不服，幾每句情話都引港人觀眾爆笑。卻時戇有戇著，就如Krishna (成家宏) Jasmine (陳欣妍) 玩對調遊戲，印度男把港女講既回彈過去，港女才醒悟講埋些離罩到自己都唔知點解要咁講的話；Jasmine不段重覆「我地冇可能」，「你搵份工啦」，就係《The room》的小學雞對白，我們恥笑卻又會細想現實談情豈不都係如此計較對方般可笑？

 

成家宏在香港又唔叫格格不入，反而有種久違味道：就係八十年代扮爛口發的周潤發 - 草根粗獷卻又具英氣自信，這套又算復刻《精裝追女仔》，雖笑點都係來於恥笑。可惜張建聲淪為個唔知做乜春的暴發戶，其實佢做返《一路向西》裡懶斯文被綁手綁腳的港男，就這樣來個三角也該好看。又或者Sri Kishore真係好心，唔想借此貶低香港男人，故此只叫張傻的嗎惡個上半這麼多。

 

《我的印度男友》就似一個印度佬高叫「......I love you！一齊食麥當勞扭扭薯條呀！」唔叫人覺擦鞋嘔心，只令人覺得此印度佬太過純真，當然希望佢下次叫的對象唔好再係Carrie Lam。