有些東西過度浪漫就係唔好睇，例如馮智恒的《遺愛》（Elisa's Day）。
故事建基於一九九九年的情殺案，只給馮過份浪漫化：原本老強講成單純兩情相悅，男遇害者 (胡子彤) 被調教成想當好男人，只奈何事與願違。陳漢娜就係賣純情可憐，卻就係太薄弱，似無主見受制左右叫唔耐煩。鄭中基的老差骨係唔知做乜叉埋入去的架兩，而且似乎因為佢佔去大把時間，胡就叫人感到唔清唔楚，就係口說搵大把錢卻又唔點返屋企陪下陳。
你話加入鄭中基唔係亂咁來，在戲中他被設成孤兒，電影主旨其實已打在戲名上 - 遺，戲裡幾每角都會被遺或遺棄人：電影時間突重九七年，鏡頭擺在馬灣拍著青馬大橋，懶理佢已經車來車往也要講成即將通車，將遠走英國的老母同女兒講依然會定時給錢佢，依然無法釋除女兒怨憤。講到明香港係亞細亞的孤兒，被英國遺棄，交到一個明明年紀給我還細的「母親」之手，正如陶禧玲在父被殺母入監後過得一塌糊塗。
到這裡就係過於浪漫卻不切實際：遺棄係唔應該，卻就要夾硬去愛人？鄭上司罵他保護著陶做乜鳩，鄭頂撞竭力說：「我地唔好再遺棄佢地啦！」就算說係身同感受，仍叫人懷疑你為個不相干的人拼力做乜；就算你遺棄我又如何，我那時已係個可自立自理的大人唔需依附誰，但你卻一直覺得我一定要被愛，最大問題我根本唔愛你：最後鄭在喜靈州接陶，你硬說別小人之心度君子之腹，但同樣你又怎推定這小女孩實想跟返這面目濛湖的戲院哥哥？
若鄭中基係設成暴龍哥咁款或可令觀眾放心，就算我係多純的小女孩都識防範。世上太多偽君子經常懶大義澶然，卻擰轉面做下流事。一九九七年那個百多歲大人，給硬說成孤兒被個只幾十歲的老母帶走，這也就快廿四周年。這個老母有否愛過接過來的兒子？兒子有否愛過這老母？你話呢？
沒有留言:
張貼留言