《老狐狸》- 同情有害？

 

你會懷疑《老狐狸》（Old Fox）係爛左尾，但蕭雅全或笑道只係小孩才會畫公仔畫出腸。

 

《老》係現實描繪一九八九年的台灣，細緻拍下當時所食所穿所用，唔需拉遠講遠方天安門，或就近鄭南榕在幹甚麼，正如早前熱賣遊戲《還願》都沒提這些。

 

廖家父子其實是否很窮？顯然唔係，廖泰來 (劉冠廷) 有安穩職業，住上房子還像樣，還能閒時聽黑膠吹薩克斯風，本來生活無憂。只係買不上房開唔到理髮店，但其實有沒有房子很重要？只係租房子會被當傻瓜無能。那時大部份人都係《麻將》所嘲的：「世上沒一個人知道自己該幹甚麼。」亦是老狐狸謝老闆 (陳慕義) 常在廖界 (白潤音) 前自誇：「我睇透你不知道的。」也就人人都隨波逐流炒房炒股，泰來還文青個性自以清高，年少廖界卻難頂耳濡目染。主角係兩種極端：老實到唔去望的泰來，自以為睇透哂的老狐狸，其他人都係矇查查睇唔透之輩。 

 

故事命題叫斷絕同情，這是老狐狸常教泰來的：他非因靠著同情而脫困，老來亦睇透現實社會豈會同情你，正如股市豈會同情你年紀老邁不能承受刺激而跌前提你一聲？既然社會唔會同你講情，卻要你去同情，那就係不平等。或者老狐狸只係個右派，只不過右派如資本家地主最常被扣帽子當醜人。你會覺得故事爛尾，係因為沒交代老狐狸的下場，就一嘢跳來廖界成年後。其實老狐狸結局為何唔重要，畢竟這是廖界的成長故事。 

 

若要數電影真是爛尾，那就是成年當起設計師的廖界，同事問他是不是要照顧山頂學校學生的視線，才向客人推薦屋頂放草皮，界笑曰他只是想趁機多賺一點：他最後沒斷絕同情，卻學懂不去表露同情。你或窒就係沒交代界怎去學懂，但蕭雅全或又駁你真是矇查查：最後泰來著老狐狸把預平賣給他的房子讓給快失去房子的李家，老狐狸笑道泰來沒讓他失望。同情其實如耶穌教誨的左手不叫右手看見，就係細微到把斷開界刀包好才拋進垃圾桶，或在知己前食剩一檯餸那樣。