《九龍城寨之圍城》- 實不浪漫的浪漫香港舊時

 

鄭保瑞胃口愈來愈大，可見《九龍城寨之圍城》(Twilight of the Warriors: Walled In)，演員陣容大到簡直係群星拱照林峯：老戲骨古天樂洪金寶任賢齊郭富城，至新星劉俊謙胡子彤。 

  

電影徹底係一套打片，打情節佔七成：由開始打黑拳、搶粉到巴士上開拖、城寨內不打不相識、見到蝦女人就出手、最後當然打大佬。你話伍允龍練甚麼刀槍不入神功犀飛利，還不如林峯似踏唔死的小強般痴線，似乎TXB出身的梗有此神乎奇技。餘下三成就係城寨內整魚蛋叉燒睇四仔打麻雀放風箏等風情。 

 

若鄭純為娛樂，其實就冇乜好再論，但論場景模模比得上《智齒》，難信故事沒有寓意：開場已是一大座獅子山，跟著係江湖俠義、同舟共濟、處處機遇、打不死等，其實就係「舊時」人嚮往的舊時香港精神。 

 

結局唔係快撈波士伍允龍被打爆，而係城寨被拆，這卻係輕描淡寫：若推土機橫衝直撞襲來，你再好功夫也只是個人，那會不切實際抵擋，還不如人無事成世界冠軍算。說穿打倒大惡人只因為啖氣，但當你拿到身份證，唔再需出街擔驚受怕，你就唔會想留在城寨。當你唔再喺一窮二白，你就覺獅子山下真義叫搵笨柒。鄭保瑞或在問：幾多人話追憶返舊時，但有幾多個還真要擁抱返嗰個舊時？鄭創造了個浪漫主義故事，但又一嘢道破你係見它去就由它去，其實你根底也覺它沒有甚麼浪漫可言。