《五月雪》- 你唔入鄉隨族就有事

 

張吉安的《五月雪》（Snow in Midsummer），聽似係《返校》的「你是否害怕想起來」，但細心諗實又唔似：大馬現在執政的係希盟安華，涉513搞出大頭佛的巫統早已靠邊站，且馬來人本來就唔像某国人咁玻璃心小器。 

 

故事主題513事件，卻又沒個畫面係直視暴動，只講到華人受害，但又無直言責任誰屬。電影其實似係一台舞台劇，定長鏡頭拍著學校、廟宇、戲壇，竇娥（蔡寶珠飾）在背景火光紅紅的天台上唱呼冤戲；夜深被嚇至空無一人的騎樓街，馬來蘇丹騎著大象到臨，其赤腳踏著一盆水，著穿著明代使臣裝束的使者去喝 – 這來自《馬來紀年》的記載：記中國的君王想迫蘇丹臣服，但其卻得著麻瘋病，結果需喝蘇丹浸腳的水才能得治。 

 

馬來人自信就係此地主人，唔使強調甚麼自古以來，也就去我如何待你你奈得我何：現實馬來人戲裡出現多是公務員，華人就係俗稱官老爺，雖然講話客氣，但都係一種呢度我話事意味；電影拍了兩次巴士車廂：一次一九六九年513前，車裡華人婦女沒邊個載頭巾。另一次已係二零一八年，車裡頭巾清一色，其中一個更講潮州話，成年後的阿英 (萬芳) 頓成異類 – 513像是一場對華人的暴力教化， 以前華人就係像諸侯割據一方，自從那事以後他們也要乖乖融入。

 

《五月雪 》唔似一部追責電影，反係道出一種現實：一種當家作主就可以主宰歷史的現實、可以嘲你唔o係現場就冇事的現實、唔講得難聽也是勸你入鄉就要隨族的現實。若你堅持去追，答案或是尷尬：另一單殖民者與在地人相殘叫228，那場係殖民者勝利，但又警醒另一方在地人，228和513也就是因果輪迴。故你問還可以，但還望你問到後唔係自以可憐呼冤，而係吸取教訓就好。