《掃毒3：人在天涯》- 世界革命幻想之終

 

我想就算你如何不喜邱禮濤版的《掃毒》，也需承認：陳木勝係已請不回來；邱版尤其《人在天涯》(The White Storm 3: Heaven or Hell) 才似最貼近題旨：臨尾出埋戰機橫掃全寨，重要講到明：「你販毒就係兄弟都冇做！」雖然我老早都唔記得你在賣兄弟情了。 

  

就算今次邱飛起李敏獨自寫故，沒那麼貪心，但兄弟仍停在「你同我都係差佬」或是「你幫我擋子彈」我就信哂你為你博命，邱其實很有童真，竟還相信廿一世紀仲有在深山不吃人間煙火出城打工都沒想過的純情少女Noon (楊采鈺)，所以莫怪邱寫感情寫得那麼幼稚。 

 

表面睇邱似搞個玩盡海陸空後搭個舊時泰北風情算，但總唔信邱係只為遠走而有咁遠走咁遠：睇開這十年的邱都知佢係左膠仔並響往世界革命，正如哲古華拉係完成一國之革命都未夠喉。羅嘉良飾的軍頭戴金榮，就算金三角軍閥，也覺其原型係參照哥倫比亞武裝力量。

 

但邱禮濤似叫你唔好諗咁多：戴金榮只講山區的鴉片為英法人留下，沒有再多豪情壯志偉論；康素差 (劉青雲) 由頭到尾只係為錢；最後張建行 (郭富城) 搵Noon的遺體，在車胎下找到其髮夾而哭崩 - 這場似參考一宗悲劇，車轉了作坦克，駕坦克的士兵在清洗履帶時搵到其送給女友的髮夾。那場悲劇，也同時摧毀華人對左翼革命的幻想。

 

或者你真去問邱禮濤，佢或只答你佢真參考的是《喋血街頭》，幾十歲人都係唔好咁多幻想了。