《看不見聽不見也愛你》- 新木優子真夠委屈

 

你問我點解睇《看不見聽不見也愛你》(SEE HEAR LOVE)？理由很明顯 - 只想睇新木優子，但沒想到係看到一半已想借機疴篤尿再走人，縱使她還在銀幕上沒離開。更相信換作為山下智久而來的女觀眾都會同樣感覺。 

人類總係會重犯同樣錯誤：本來就係一突然變盲的漫畫家，搭上一聽障的女粉絲交織愛情這麼簡單。但李宰漢又係坐這山望那山，要再硬加個口吃社長作架兩，呢件社長與他手下搞出的尷尬癌係驅使觀眾想走之主因；主幹卻係求其交差：其實可唔可以唔好以為咩都奉旨順利成章 - 聽障的竟只轉頭諗到你盲左、或岩盲左的沒點就知你耳聾，更加唔好提你那漫畫點觸動人心沒講得清。 

 

或李會坦認：故事真只係掛羊頭，實賣山下新木兩人寫真集。既然如此我更唔明為何如此對待新木：叫她作清潔工不特止，還要她跪地屈膝只求人家婆婆成全她與山下 – 就算係把新木設定灰姑娘，但何苦聾就要如此卑躬屈膝？相對你叫山下去自暴自棄還有理據，你卻無故委屈新木，難怪男觀眾都睇唔過眼想要離場。 

 

你話問題起於女主角就係新木：若係伊藤沙莉岸井雪乃之類扮灰姑娘，李宰漢或更專心寫劇本，但對我這新木迷就更氣憤你這樣推卸責任。故總而言之，你係想睇新木優子，還不如直接去買新木的寫真集，一本寫真該同票錢相若價錢，更重要寫真你該不會只睇一半就沒意欲J下去罷。