《#小心陷井》- 熊切和嘉性惡論

 

原本想拿熊切和嘉的出道作《鬼畜大宴會》來對比《#小心陷井》(#Manhole)，但因搵唔著就唯有只評這套。

 

這套出演算只有中島裕翔實也不過分：永山絢斗只象徵般出一下鏡，奈緒更只係出了張車頭相同把勁溫柔的聲，最後「彩蛋」黑木華也只出了五分鐘，電影八成半時間都係中島困在沙井裡獨腳戲。中島還有部手機連繫外頭，更說一主題係探究現在的網絡生態，但似乎熊切不止只想問點樣集合一班臭皮匠或諸葛亮：中島「墮進」井時，其手機被盜取去篡改了聯絡人資料及設定假的GPS，若此推論，中島連繫的網友都會係一班「戲子」，所謂網上現象，其實又係一單局中局。

 

這套擺明居馬現代主義：任何人事都不可信，就係主角也如是。更甚者主角謀害他人，盜取中島的面相和身份，其原本樣貌身世更係無所知曉 - 仿佛說他本來背景並不重要，只因他的作為乃出於人性本惡：無論扮女來博狗公關注，還是被救出後仍狗改不了吃屎等，都係出於自私亦以為你都係自私。

 

你話就此一套來判定熊切和嘉確信性惡論似唔太全面，或者《鬼畜大宴會》會講到人際環境互相迫使才是關鍵，但就係沒看著那套。現在《#小心陷井》就只係一個固定，係有昆蟲、會嘔泡等都係無心害你的東西，卻就迫出個表裡不一的中島裕翔。中島都快三十，或自知當俊俏小生都當不了多久故要找突破，還真辛苦他了。