《無名浪子心》 - 唔想講其實就唔駛講

《無名浪子心》 (His Lost Name) 係繼往開來的，由導演廣瀨奈奈子，到主角柳樂優彌，都係承繼著是枝裕和。主題也是：唔係講所謂理所當然的倫理，而都係掛了一大問號。

選小林薰係故意的：《深夜食堂》每集故事都唔係出自老闆把口，而係老闆煮野食來引面前的客人講故。這套卻係另一玩法，一開頭直接問這問那，但又識趣地唔勉強你答，反拋磚引玉先講我自己，再引你講返你過去。

柳樂優彌的背後，即使親口向小林講過，但仍是一大疑團。其實他原本就唔想讓人知道，他只需要找個躲避之地。本來「識趣」的小林係正好之選，奈何他身邊的都係唔識趣；小林都係逃避，見人家名字和自己逝去兒子的相同，就借留住人家來掩蓋，就係大家都沒勇氣面對現實。

結尾小林迫柳樂致詞，柳樂自爆後拂袖而去。可解係小林設計好，叫放過他人也放過自己：小林終要擺脫那早就離開他的兒子迎新生，柳樂不知奔向那方，也可以係索性回去面對往事。反係小林身邊的人，都埋怨柳樂瞞騙了他們：人家的事你解決不了本就不該追問，你反而就怪責人家不拿私事來滿足你的好奇。真係兩個其實夠哂數，人多還要多達八個，就重覆人類都係可笑之動物。