《淪落人》 - 不誠實的香港小屋

陳小娟的《淪落人》 (Still Human) 看似無往而不利，但再翻查一下總會找到幾聲不以為然甚至恥笑。當然永遠都不會有一套電影能討所有人喜歡，其實要問的係不喜歡之原因。

朋友Ah mo指這套不寫實，實招人窒話若乜都要真實，咁《灰姑娘》之類都唔駛講出街架啦。但童話都有兩類：給兒童還是成人，兒童想聽較良善，成人才會承受現實。你傾聽那種某程度反映出你的心智，破口大罵人家的批評前還是停一停諗一諗。

梁昌榮（黃秋生）和 Evelyn（姬素．孔尚治），似係從兩套日本片抽取出來的混合物 - 《芋虫》 (Caterpillar) 的男女，再改作《東京小屋》 (The Little House) 的關係：梁下身癱瘓又沒多少學識，比沒手沒腳又啞的軍人好不了多少。但他又知道他是主，隔離的 Evelyn是僕，開頭還懂得不客氣，就算往後的以禮相待，主僕依然維持到電影最後。

所謂不寫真，具體講係不誠實：香港作為低層的劣根，係自己做奴才沒所謂，只要我底下還有奴才就好 - 儘管附近的人如賣菜菜婆或梁的妹妹會是如此，但作為主角的梁卻不會如此：「正常」先唔會就個菲傭去學英文，係調返轉叫個菲傭唔識廣東話唔該你返歸。開頭已注定梁就係要做好人，秋生哥應唔介意爛到底，反係陳小娟驚香港觀眾會介意投射出他們就爛到咁撚樣。梁最後幫Evelyn圓夢，如《灰姑娘》裡把灰姑娘拯救出的王子，係唔真，但又點？香港人只想自己係正義凜然的王子，而唔想認係暴君呢。

「真實」的故事，會係自暴自棄的梁壓榨Evelyn作發洩，但高學歷的Evelyn逐漸識唔做善男信女再反咬一口，即係《芋虫》裡的男女鬥爭，如斯好歹能直接屌醒港人自省。可惜陳小娟就知好聽說話不真實，所以明明下層，還硬裝如《東京小屋》裡松隆子般之大方貴婦 - 裝只能贏得一時掌聲，卻不能改變一代港人心態。過多幾日再有甚麼傑出僱主苛刻家傭到上頭版，誰都覺你這故是呃細路。