《非分熟女》 - 不敢伸張只會埋怨叫不耐煩

蔡卓妍四年後再演一套主講女人，曾翠珊的《非分熟女》 (THE LADY IMPROPER) 。看後再略閱別人影評，得知盡是恥笑，因為評論的都係男人。

你話男人踏低女人，咁鬼叫女人又會擺低自己在先：一開場就係成日都掛個死老豆模樣的小敏 (蔡卓妍)，持續左成上大半部，老豆掛得半條人命竟唔係要喊濕兩包紙巾的理由，而係老公阿權（吳浩康）終忍受不了無性生活棄妻而去 - 《黃金花》裡人老珠黃的毛舜筠見老公包二奶喊苦喊忽都未能叫盡人去同情，何況你這個扮少女仲呃到人的蔡卓妍？乜都只會賣慘，很多時只會適得其反。況且既然女人唔係弱者的等號，那就不要裝出雞蛋的樣子。

小敏的「慘」，本來是她不誠實面對自己的慾望而招的苦果。但電影卻如《女人就是女人》般，想歸究於環境的壓迫：大家都係慾，故把食和性掛勾，家豪（吳慷仁）奇怪茶餐廳太子女小敏竟不懂下廚，原來小時侯想入廚房時卻給父親趕了出來 - 又賴都係父權的錯，令到女人不敢不懂自主云云。

男人尤其香港的不喜，最重要直指香港男人「無撚用」而搞「慘」女人：小敏不能給老公入，其實係他沒有前戲，橫衝直撞似如強姦，女人當然覺得唔舒服；隨街搵的炒股佬，聽其係處女更係嫌麻煩食都費鳩事；戇直書生阿謙 (林德信) ，更係見其跳光管舞都介意 - 香港就似只有這班執著道德，無能面對慾望之男。執著慾望，令小敏學識享受的家豪，話生於香港，但台港「混血」、講唔正廣東話、法國留學，一句講哂外國才有的男人。

但唔好忘記，阿權到阿謙，都係小敏自己的選擇。正如臨尾，小敏還是煮出父親的招牌菜讓其品嘗，她還是會主動討好所謂壓迫她的父親。都係個句：女人還是要問清自己想要甚麼，若然投其所好，就不要埋怨他人。諗深一層，你指小敏或電影祟洋，其實也沒有錯：香港左膠滿佈，於是造就一個只會埋怨人家，卻不敢為自己伸張之地，正如這個小敏，認真叫人他媽的不耐煩，誰不想買張機票，一走了之。