《流浪地球》 - 離開中國會被當猩球

郭帆的《流浪地球》 (The Wandering Earth) 一個農曆新年就已晉為據幾十億票房的「國產之光」，強國當然乘勝追擊，急不及待要香港同胞同享中國人的榮耀。在港上畫前一日，小弟在家信箱收到那位派文滙扮益街坊的土共區議員之宣傳單，話大搞廿蚊早場響應 - 要出動土共促銷，大概都心知不妙。

果然，上畫兩日，香港人沒大聲高呼罷睇，係直頭用行動話睇都費鳩事，碎了玻璃心的強國人看來又會大罵被港獨思想沾污的香港人妒忌祖國追過香港云云。反正小弟從不會罷睇那套電影，就用五十蚊來緩和一下中港矛盾。看後就知這套大放在港必係肚瀉收場，但梁鵬飛話香港人只好貼地的《低俗喜劇》或如《寒戰》的警匪，似係給強國人反來嘲笑香港人不思進取：香港人怎會不好科幻？水土不服之真因，還是這套的導技。

未看過劉慈欣的原著，暫信故事架構都係他原創。但電影仍似有不少「參考」 - 被太空隔絕的劉氏父子，就似取於《星際啟示錄》。劉培強 (吳京) 最後駕太空船撞向木星引爆仲要命，係學日本鬼子的《宇宙戰艦大和號》。郭可能辯稱就係向呢兩套致敬，當你最後好歹沒有煩膠的「捨不得你」因而說得過去，但你要致敬《星際》，即係講父子間親情，做咩講講下反叛兒子劉啟 (屈楚蕭) 出走，就妹妹姥爺黑幫公安救援隊都追了上來，一堆人物你一句我一句都夠亂七八糟。地面忙得不可開交，再睇返太空站上的劉培強，唔到最後你又會問其實佢係度做緊乜 - 當年神片「天機」就係想到甚麼都有理無理塞入去，搞到一大盤菜，你卻唔覺有那道為精緻。中國人富起來都數十年，但拍片仍搞到平價自助餐，當然被自以為吃慣細膩的香港人恥笑。

單看畫面，雖然場景CG還可以，但你說要追到荷里活，還是欠缺一要素 - 對未來的想像：2075年的北京地下城內，似和今日的大陸街巷內沒太大不同，地上運輸車仍用輪胎，而且還沒有自動導航，監倉還要用鎖匙開閘。對香港觀眾最爆笑係如妹妹韓朵朵 (趙今麥) 上課時，老師同學的機械式對話。叫前衛就係要連意識都超越現在，八十年代金子修介《世紀末暑假》不花很多也可造到，但這套花費甚鉅，卻不叫人覺得會帶你到2075。

而電影到不了未來的主因，係所謂2075的世界已係聯合政府，但中國人卻堅持自己中國人 - 仍講普通話、制服上的中共國旗、太空站標係Made in China，最後呼籲召集其他國救援隊竟用煲冬瓜而唔用英文 - 就係唔當自己係世界公民，還要我始終就係世界中心，其他人只會逃時還是我夠膽做摩西，一副高高在上的模樣。夠國際化的香港觀眾梗笑你係打飛機，去到台灣日本或荷里活，人家更會當你係另一模樣的《猿人爭霸戰》。

都係改篇劉慈欣的寧浩就很有自知之明，會自貶作白痴，但白痴都救到地球你又吹佢唔脹。《流浪地球》卻係直吹中國人才會救地球，外人看來卻似係一班猩猩霸佔地球再自誇為救世主。片商識趣還是不要叫這地球到處流浪，中國人的地球，在銀河系也會叫甚麼星也避之則吉。