《飛馳人生》 - 贏的誘惑

韓寒執導的三部中，《飛馳人生》 (Pegasus) 最屬於他自己。

韓做過賽車手，電影裡的資料當然難不到他。良善點看，韓唔似只炫耀自己怎懂拉力賽：而似係《打擂台》、《KANO》或《激戰》。

唔係幼稚的正邪對立，更甚者張馳 (沈騰) 和林臻東 (黃景瑜) 可謂都是韓的影子：電影一半場景在上海，唔止這是韓的家鄉，而係這是全國最「右」的城市 - 林這個二世祖，講你要「絕對公平」就不要去比賽，但他又嘗試贊助張，在張賽車被撞到稀巴爛時又幫他修復：我自信係兔仔，我就能贏到你只烏龜，我只要光明磊落地贏。韓其實靠這套宣示，佢根本係一個大右派。

張馳不接林的贊助，一來佢都係右 - 要自立自強，最重要係佢都係追求徹底勝利：話為了搞定兒子入戶問題，才和人家非法賽車擺明係亂搵理由 - 在這個全國最講錢的城市，你有名有利那有甚麼你會搞不定？真正原因係他想贏而被人挑釁沖昏頭腦，因此付上代價事業跌到谷底；其實張也不是到人生最低，他安份守己靠一個大排檔也夠他渡過餘生，兼且沒人來挑他，而係一開頭吹完自己威水史後就嚷話復出，好簡單他都只係想贏。

電影結尾乾脆到叫人張大個口：張馳贏了，卻真係他最後一次勝利。林二世祖應該咬牙切齒，他永遠無法正面勝過張。放開點看，拉力賽其實係馬拉松，計總時間唔係鬥誰最先衝線，下鋪再來短過張的時間就可，但林注定放唔開；同樣，張贏得這一場，又唔係贏到永遠，為了一刻的勝利而付上性命，真值得如此付出代價？張林的心態，如《旺角卡門》裡的烏蠅：「我寧願做一日英雄，都唔要做一世旳烏蠅！」最尾車子似直衝太陽，你明知係衝唔到，你只係有這光輝就已足夠 - 贏縱使似虛無，卻總係誘惑人去追。

話《飛馳人生》係韓寒的，只因為不用要應酬而叫你們去反思，最終還是頌揚自己的浪漫。韓的粉絲或會慶幸他未老，非粉絲的觀眾或會不屑：「三十而立卻仲似細路咁坐唔定。」