《女人就是女人》 - 你唔拍檯講邊有人聽你

孫明希的《女人就是女人》 (A Woman Is A Woman) 又係講想做女人的男人，可以當係《翠絲》的補充，但始終都係沒去徹底解決問題。

就宋紫洳 (李蕙敏) 隱瞞自己變性廿年後，某日被其丈夫無意揭穿，換來婚姻破裂。宋到中後仍在哭哀地問我究竟做錯乜，其實中段已經答左：在其丈夫眼中，宋的不誠實已經係大錯。男人說只愛真正的女人算是坦白，好歹還敢作個了斷。對比宋係比要枕邊人忍氣卻都係白愛廿年的佟大雄作孽更嚴重。

左膠戲總係有如此問題：一味就係訴說社會對其壓迫 - 宋的丈夫、趙凌風 (黃家恆) 專橫的父親、一個個只諸事八卦的同學、甚至基督教等，充滿歧見約束的氣氛，就係旨望社會對其多點寬容。卻係少講個人責任：宋繼女 (麥詠楠) 問她點解唔一開始向其丈夫坦白，宋答：「因為我驚囉。」咁你想驚到幾時？驚到你老公真會接受變性人才坦白從寬？那你老公一世不接受怎辦？講到這裡，左膠實在幫倒忙 - 明明自己作孽，卻講到你不接受我你都有錯，推卸責任，怎叫人同情你。

始終電影雖沒哭求你給我做女人的搞笑，但都係叫人不耐煩：大部分時間或係忍氣順流，或祈求社會侍她們以寬。就係搞錯一件事，女人唔一定柔弱，就係《女人就是女人》講得唔夠堅定響亮，而只係喊住講的「我求你俾我變女人」：趙凌風硬要自己和女同學拍拖，宋紫洳等待丈夫回家，大家都軟皮蛇足七十多分鐘。到尾廿分鐘才叫硬起來，宋還是接受將會和丈夫分手，趙和父親吵大鑊後堅持變性，向女同學道歉，總算沒讓孽去延續，好歹算學懂總要自強。

但趙父還在怒嚷要變性的兒子唔好返屋企，接著下來其社工就說家人已同意趙凌風變性的決定，怎去勸服其父係完全省略。即都係祈求父親社會接納，根本不切實際。如社工向學生呼籲接納跨性別人仕，學生個個當佢冇到唔耐煩。都係個句，軟聲細氣叫人聽你講，人們梗係睬你傻。大聲拍檯，被嚇的人才會望多你兩眼。既然《女人就是女人》，你會驚惡死強硬的就唔係女人？