《拾荒法師》- 打醒懶好人

 

彭順彭發久違合體返彭氏兄弟，《拾荒法師》（The Mage）返到《見鬼》時，畫面少了「多快好省」味，大概係何超儀揸莊既嘢，錢點會係問題。

垃圾屋鬼魂或孕婦肚挖出之嬰等場景像真度無可置疑，唯近鏡影向何超又浮現一問題：話沒沖開涼污穢卻仍看到肌膚有點亮麗，衣衫只係色澤較暗卻係殘也稱不上，其實何超做戲都多，豈會鍚身到咁。

表面《拾荒》主幹係一宗某法師走火入魔促使多人被自殺的兇案，叫陳家樂查案又叫何與張文杰鬥法。唯又似承《見鬼》咁講好人難做，以前係有預知眼的少女無力拯救村民而自殺，今係何自責誤導吳冰自殺而去「拾荒」贖罪。

做好人其實只為自己心安理得，難做只因常被人誤解：預知眼少女被村民當瘟神，何超被陳或周邊人當垃圾婆，雖何比少女可取係唔會只忍聲吞氣而係會天生我才反擊。最後何對張處下風時吳現身，既想讓她息懷又係另埋怨：「其實我沒怪過你，(自殺)根本係我自己揀既，反而你不斷自責就係給不到我去原諒自己。」結果何超得已反勝。這姿態又似《今晚打喪屍》，只係那係不叫自己捍強而示弱，這是打醒自己懶好人只係逃避還不如勇於面對。

或者彭氏兄弟要打醒的，係《見鬼》那無謂懶好人而自毀的少女。