《超風》- 想像力令你自由

 

翁子光的《超風》 (Cyclone) ，如像《爸爸》般似回到早期的拼貼：叫係成熟返點的《明媚時光》，梁朝偉看後覺好慘，你還不解覺這套唔似賣悲，原來好戲後頭 - 像《微交少女》咁被初戀出賣，對男或女人都係最痛。

但起碼唔係《女人就是女人》咁叫人唔耐煩，超風（劉語喬飾）自以為係梅超風，遇著有西客上她唔俾錢，其他女只識趴地喊濕兩包紙巾，她已經毫不客氣打西客老母臭閪，憑這點莫怪男女都為她著迷。

超風成熟卻還如陳健康，在尋找自我但仍未肯定答案：她想做女人卻仍猶豫係咪要做「真正」，醫療顧問都問佢有冇諗過切唔切柒係做俾自己定做俾其他人睇，更尤其她聽到泰國係切唔切都無所謂，又或其實男或女她都可以大愛。

性在電影裡既是日常也是象徵：有客著超風親身屌佢，她食偉哥後一邊屌客時一邊收到父死訊，結果她痛哭著高潮 -《爸爸》係永年叫雞被騙而口講屌老母發洩，《超風》係實在的俾你一嘢射哂，這也像武俠片咁一劍封喉，換來所有恩怨一切隨風。

話《明媚時光》有著大香港意識，《超風》其實係十多年後的續問：香港那裡來？超風就如本來大部分香港人，因不容於原本的家鄉，如《一直游到海水變藍》賈平凹或余華看清故鄉係血地南逃到來。而且他們本身並不識自由，如風覺單有想像力有甚麼用，醫療顧問提醒她起碼想像力令她自由。

的確梅超風也是在香港想像出來的產物，只係這香港漸又如故鄉像血地，你問超風最後會唔會再離開？若她真如像梅超風或會如捨身於黃藥師咁，唯黃沒出賣過梅，超風卻真係仲要被初戀出賣過一次。